ଦୀର୍ଘ ସମୟ ପରେ କୂଅରୁ ଉଦ୍ଧାର ହେଲା ହାତୀ

ମୟୂରଭଞ୍ଜ : ଦୀର୍ଘ ସମୟର କସରତ ପରେ କୂଅ ଭିତରୁ ଉଦ୍ଧାର ହେଲା ହାତୀ । ମୟୂରଭଞ୍ଜ ଜିଲ୍ଲା ବାଙ୍ଗିରିପୋଷୀ ବ୍ଲକ ଧବଣୀଷୋଳ ପଞ୍ଚାୟତର ଟେମ୍ବଟୋଲା ଗାଁରେ ଥିବା ଏକ ଖୋଲା କୂଅ ଭିତରେ ଖସି ପଡିଥିଲା ହାତୀ । ଏ ସମ୍ପର୍କରେ ଖବର ପାଇ ବନ ବିଭାଗ ଘଟଣାସ୍ଥଳରେ ପହଞ୍ଚି ଜେସିବି ମେସିନ ସହାୟତାରେ ହାତୀକୁ ଉଦ୍ଧାର କରିଥିଲା । ଦୀର୍ଘ ୫ ଘଣ୍ଟାର ଅକ୍ଲାନ୍ତ ପରିଶ୍ରମ ପରେ ହାତୀକୁ କୂଅ ଭିତରୁ ବାହାର କରିଥିଲା ବନ ବିଭାଗ । ଗତକାଲି ବିଳମ୍ବିତ ରାତିରେ ମୃତଲା ଗାଁକୁ ୮ ଟିକିଆ ହାତୀପଲ ପଶି ଆସିଥିଲେ । ଗାଁ ଲୋକ ହାତୀପଲଙ୍କୁ ଘଉଡାଇବା ବେଳେ ଗୋଟିଏ ହାତୀ ଏକ କୂଅରେ ପଡିଯାଇଥିଲା । ହାତୀଟି କୂଅ ଭିତରେ ପଡିଯାଇ ଥିବାରୁ ଦେହରେ ସାମନ୍ୟ ଆଘାତ ଲାଗିଛି ।