ଭୁବନେଶ୍ବର: ରାଜ୍ୟସଭାରରେ ଶୃଙ୍ଖଳା ରକ୍ଷାକରିଥିବା କାରଣରୁ ପ୍ରଧାନମନ୍ତ୍ରୀ ନରେନ୍ଦ୍ର ମୋଦି ସୋମବାର ଦିନ ବିଜୁଜନତା ଦଳ ଓ ନ୍ୟାସନାଲିଷ୍ଟ କଂଗ୍ରେସ ପାର୍ଟି (ଏନସିପି) କୁ ପ୍ରଶଂସା କରିଛନ୍ତି।
ରାଜ୍ୟସଭାର ୨୫୦ତମ ଅଧିବେଶନକୁ ସମ୍ବୋଧିତ କରି ମୋଦି କହିଛନ୍ତି ଯେ, ଓଡିଶା ଓ ମହାରାଷ୍ଟ୍ରର ଦୁଇ ଆଞ୍ଚଳିକ ଦଳ କେବେବି ଗୃହର ମଧ୍ୟ ଭାଗକୁ ଆସି ହୋହାଲ୍ଲା ମଧ୍ୟ କରିନାହାନ୍ତି । ଏପରିକି ଗୃହର କାର୍ଯ୍ୟରେ କେବେ ବାଧା ସୃ୍ଷ୍ଟି କରିନାହାନ୍ତି । ତେଣୁ ତାଙ୍କ ଠାରୁ ଅନ୍ୟ ଦଳ ଶିଖିବା ଉଚିତ ।
PM Modi in Rajya Sabha: Today I want to appreciate two parties, NCP and BJD. These parties have strictly adhered to parliamentary norms. They have never gone into the well. Yet, they have raised their points very effectively. Other parties including mine can learn from them. pic.twitter.com/TXvUUOWJin
— ANI (@ANI) November 18, 2019
“ବିଜେଡି ଓ ଏନସିପିର ସାଂସଦମାନେ ଅନୁଶାସନରେ ରହି କାର୍ଯ୍ୟ କରୁଛନ୍ତି । ଉଚିତ ଢଙ୍ଗରେ ବିଜେଡି ସାଂସଦ ମାନେ ନିଜର ଦାବି ଉପସ୍ଥାପନ କରିବା ସହ ସଂସଦର ନୀତି ନିୟମକୁ ମାନିଥାନ୍ତି ବୋଲି ପ୍ରଧାନମନ୍ତ୍ରୀ ମତ ରଖିଛନ୍ତି । ତେଣୁ ଏହି ଦୁଇ ଦଳ ପ୍ରଂଶସାର ପାତ୍ର ବୋଲି ମୋଦି ପ୍ରକାଶ କରିଛନ୍ତି ।
ତେବେ ମୋଦିଙ୍କର ଏଭଳି ବକ୍ତବ୍ୟ ବିଜେଡି ଓ ବିଜେପି ମଧ୍ୟରେ ପୁନଃ ଯୋଡି ହେବାକୁ ଯାଉଥିବା ନୂଆ ସମ୍ପର୍କର ସଂକେତ ଦେଉଛି। ଯେଉଁ ଯୋଡି ମିଳିତ ଭାବେ ଦୀର୍ଘ ୯ ବର୍ଷରୁ ଉର୍ଦ୍ଧ ରାଜ୍ୟରେ ଶାସନ କରିବା ପରେ ୨୦୦୯ରେ ଭାଙ୍ଗି ଯାଇଥିଲା ।
ଏହାର କିଛି ଝଲକ ୨୦୧୯ ସାଧାରଣ ନିର୍ବାଚନ ସମୟରେ ମଧ୍ୟ ଦେଖିବାକୁ ମିଳିଥିଲା । ଯେତେବେଳେ ବିଜେପିର ରାଷ୍ଟ୍ରୀୟ ଅଧ୍ୟକ୍ଷ ଅମିତ ଶାହା ବିଜେଡିର ‘ହିଂସାମୁକ୍ତି ପ୍ରଚାର’କୁ ପ୍ରଶଂସା କରିଥିଲେ ।
ଏହାପରେ ବାତ୍ୟା ଫୋନିର ସଫଳ ମୁକାବିଲା ପାଇଁ ପ୍ରଧାନମନ୍ତ୍ରୀ ମୋଦି ମଧ୍ୟ ନବୀନଙ୍କୁ ଢେର ପ୍ରଶଂସା କରିଥିଲେ ।
ପ୍ରତିଫଳ ସ୍ୱରୂପ ନବୀନ ଜୁନ ମାସରେ ମୋଦି ଓ ଶାହାଙ୍କ ଅନୁରୋଧ କ୍ରମେ ରାଜ୍ୟସଭା ଆଶାୟୀ ଭାବରେ ଓଡ଼ିଶା କ୍ୟାଡ଼ରର ପୂର୍ବ ଆଇଏଏସ ଅଧିକାରୀ ଆଶ୍ୱିନ ବୈଷ୍ଣବଙ୍କ ପାଇଁ ନିଜ ଦଳର ସମର୍ଥନ ଘୋଷଣା କରିଥିଲେ।
ଏହାଛଡା ଉଭୟ ରାଜ୍ୟ ଓ କେନ୍ଦ୍ର ସରକାର ମିଳିତ ଭାବେ କାମ କଲେ ବିକାଶମୂଳକ କାମ ଆଗକୁ ବଢିବ । ରାଜ୍ୟର ବିକାଶ କେନ୍ଦ୍ରର ଦାୟିତ୍ୱ । ଉଭୟ ରାଜ୍ୟ ଓ କେନ୍ଦ୍ର ପ୍ରତିଦ୍ୱନ୍ଦ୍ବୀ ନ ହୋଇ ଭଲ ସହଯୋଗୀ ହୋଇ କାମ କରିବାକୁ ପରାମର୍ଶ ଦେଇଛନ୍ତି ପ୍ରଧାନମନ୍ତ୍ରୀ ।