ଲଣ୍ଡନ: ଆସନ୍ତା ବର୍ଷ ହେବାକୁ ଥିବା ଚାମ୍ପିୟନ୍ସ ଟ୍ରଫି ଏବଂ ଭାରତ ଗସ୍ତ ପାଇଁ ଇଂଲଣ୍ଡ କ୍ରିକେଟ ବୋର୍ଡ ଦଳ ଘୋଷଣା କରିଛି । ଜୋସ ବଟଲରଙ୍କୁ ଦଳର ଅଧିନାୟକ ନିଯୁକ୍ତ କରାଯାଇଛି । ଚାମ୍ପିୟନ୍ସ ଟ୍ରଫି ୨୦୨୫ ଫେବୃୟାରୀ-ମାର୍ଚ୍ଚରେ ଖେଳାଯିବ । ଏହା ପାକିସ୍ତାନରେ ଆୟୋଜିତ ହେବ । ଭାରତୀୟ ଟିମ ତାର ସମସ୍ତ ମ୍ୟାଚ ହାଇବ୍ରିଡ ମଡେଲ ଅନୁସାରେ ଅନ୍ୟ ସ୍ଥାନରେ ଖେଳିବ । ସେହିପରି ଭାରତ ଗସ୍ତରେ ଇଂଲଣ୍ଡ ଟିମ ପ୍ରଥମେ ୫ ମ୍ୟାଚ ବିଶିଷ୍ଟ ଟି୨୦ ସିରିଜ ଖେଳିବ । ୨୨ ଜାନୁୟାରୀରୁ ଏହି ସିରିଜ ଆରମ୍ଭ ହେବେ । ଏହା ପରେ ୩ ମ୍ୟାଚ ବିଶିଷ୍ଟ ଦିିନିକିଆ ସିରିଜ ଫେବୃୟାରୀ ୬ରୁ ଆରମ୍ଭ ହେବ । ଆଘାତ ସମସ୍ୟା ଯୋଗୁ ଦଳର ଷ୍ଟାର ଖେଳାଳି ବେନ ଷ୍ଟୋକ୍ସ ଏହି ଗସ୍ତରୁ ଓହରି ଯାଇଛନ୍ତି । ୨୦୨୩ ବିଶ୍ୱକପ ପରେ ଷ୍ଟୋକ୍ସ ଦିନିକିଆ କ୍ରିକେଟ ଖେଳି ନାହାନ୍ତି । ସେ ଅବସର ଘୋଷଣା କରିଥିଲେ ମଧ୍ୟ ବିଶ୍ୱକପ ପୂର୍ବରୁ ନିଷ୍ପତି ପ୍ରତ୍ୟାହାର କରିଥିଲେ । ତେବେ ବିଶ୍ୱକପରେ ତାଙ୍କ ପ୍ରଦର୍ଶନ ଭଲ ନ ଥିଲା ।
୨୨ ଜାନୁୟାରୀ ୨୦୨୫ରେ କୋଲକାତାରେ ପ୍ରଥମ ଟି୨୦ ଖେଳାଯିବ । ୨୫ରେ ଚେନ୍ନାଇ ଏବଂ ୨୮ରେ ରାଜକୋଟରେ ଦ୍ୱିତୀୟ ଓ ତୃତୀୟ ଟି୨୦ ଖେଳାଯିବ । ଜାନୁୟାରୀ ୩୧ରେ ପୁଣେ ଓ ଫେବୃୟାରୀ ୨ରେ ମୁମ୍ବାଇ ଶେଷ ୨ଟି ଟି୨୦ ଖେଳାଯିବ । ସେହିପରି ନାଗପୁରରେ ପ୍ରଥମ ଦିିନିକିଆ ଫେବୃୟାରୀ ୬ରେ ଖେଳାଯିବ । ୯ରେ କଟକରେ ଦ୍ୱିତୀୟ ଏବଂ ୧୨ରେ ଅହମ୍ମଦାବାଦରେ ତୃତୀୟ ଦିନିକିଆ ଖେଳାଯିବ ।
ଇଂଲଣ୍ଡ ଟିମ(ଦିନିକିଆ): ଜୋସ ବଟଲର (ଅଧିନାୟକ), ଜୋଫ୍ରା ଆର୍ଚ୍ଚର, ଗସ ଆଟକିସନ, ଜ୍ୟାକବ ବ୍ରେଥେଲ, ହ୍ୟାରୀ ବ୍ରୁକ, ବ୍ରାୟଡନ କର୍ସ, ବେନ ଡକେଟ, ଜେମୀ ଆର୍ବଟନ, ଜେମୀ ସ୍ମିଥ, ଲିୟାମ ଲିଭିଂଷ୍ଟୋନ, ଆଡିଲ ରଶିଦ, ଜୋ ରୁଟ, ସାକିବ ମେହମୁଦ, ଫିଲ ସଲ୍ଟ ଓ ମାର୍କ ଉଡ ।
ଟି୨୦: ଜୋସ ବଟଲର(ଅଧିନାୟକ), ରେହାନ ଅହମ୍ମଦ, ଜୋଫ୍ରା ଆର୍ଚ୍ଚର, ଗସ ଆଟିକସନ, ଜ୍ୟାକବ ବେଥେଲ, ହ୍ୟାରୀ ବ୍ରୁକ, ବ୍ରାୟଡନ କର୍ସ, ବେନ ଡକେଟ, ଜେମୀ ଆବର୍ଟନ, ଜେମି ସ୍ମିଥ, ଲିୟାମ ଲିଭିଂଷ୍ଟୋନ, ଆଡିଲ ରଶିଦ, ସାକିବ ମେହମୁଦ, ଫିଲ ସଲ୍ଟ, ମାର୍କ ଉଡ ।