ଭୁବନେଶ୍ୱର: ଓଡ଼ିଶା ଷ୍ଟାଫ ସିଲେକ୍ସନ କମିଶନ (OSSC) ଆକାଉଣ୍ଟାଣ୍ଟ ପୋଷ୍ଟ ପାଇଁ ହେଉଥିବା ପରୀକ୍ଷାର ଓଡ଼ିଆ ପ୍ରଶ୍ନପତ୍ରରେ ତ୍ରୁଟି । ଓଡ଼ିଆରେ ଲେଖା ହୋଇଛି ପ୍ରଶ୍ନ ହେଲେ ଓଡ଼ିଆ ପିଲା ବୁଝି ପାରୁନାହାନ୍ତି । ସମ୍ପୂର୍ଣ୍ଣ ପ୍ରସ୍ତୁତ ହୋଇ ହଲ୍କୁ ଯାଇଥିବା ଛାତ୍ରଛାତ୍ରୀ ବି ଖାତାରେ ସନ୍ତୋଷଜନକ ଉତ୍ତର ଲେଖି ପାରିନାହାନ୍ତି ।
ଓଡ଼ିଆରେ ପ୍ରଶ୍ନପତ୍ର ଆସିବ । ଓଡ଼ିଆରେ ଲେଖିବେ । ଏଥିପାଇଁ ଖୁସି ଖୁସି ପରୀକ୍ଷା ଦେବାକୁ ଯାଇଥିବା ଛାତ୍ରଛାତ୍ରୀଙ୍କ ମୁଣ୍ଡରେ ପ୍ରଶ୍ନପତ୍ର ଦେଖିବା ପରେ ଯେମିତି ଚଡକ ପଡ଼ିଥିଲା । ପ୍ରଶ୍ନପତ୍ରରେ କ’ଣ ଲେଖାଯାଇଛି ତାହା ପିଲାମାନେ ଭଲ ଭାବେ ଜାଣି ପାରି ନ ଥିଲେ । ଅଧିକାଂଶ ଛାତ୍ରଛାତ୍ରୀ ପ୍ରଶ୍ନ ଠିକଭାବେ ବୁଝି ପାରି ନ ଥିବାରୁ ଉତ୍ତର ମଧ୍ୟ ଠିକଭାବେ ଲେଖି ପାରି ନ ଥିଲେ । ରାଜ୍ୟ ସରକାରଙ୍କ ଖାମଖିଆଲ ମନେଭାବ ଯୋଗୁ ଏପରି ସ୍ଥିତି ସୃଷ୍ଟି ହୋଇଥିବା ଛାତ୍ରଛାତ୍ରୀ ଅଭିଯୋଗ କରିଛନ୍ତି । ଏହି ପରୀକ୍ଷା ପୁନର୍ବାର ତ୍ରୁଟିଶୂନ୍ୟ ଭାବେ କରିବା ପାଇଁ ଦାବି କରିଛନ୍ତି ଛାତ୍ରଛ୍ରାତୀ ।
ଏପରି ତ୍ରୁଟି ଦୁ୍ର୍ଭାଗ୍ୟଜନକ ବୋଲି କହି ସରକାରକୁ କଡ ସମାଲୋଚନା କରିଛି ବିଜେଡି । ଲକ୍ଷାଧିକ ଚାକିରୀ ଆଶାୟୀଙ୍କ ମାନସିକତା ସହ ରାଜ୍ୟ ସରକାର ଖେଳୁଛନ୍ତି ବୋଲି କହିଛି ବିଜେପି । ଏପରି ପ୍ରଶ୍ନପତ୍ରରେ ଏପରି ତ୍ରୁଟି ପାଇଁ କିଏ ଉତ୍ତର ଦାୟୀ ବୋଲି ପ୍ରଶ୍ନ କରିଛି ବିଜେପି
Comments are closed.