ମେରଟ: ଉତ୍ତରପ୍ରଦେଶ ମେରଟରେ ଥିବା ଏକ ସାବୁନ ଫ୍ୟାକ୍ଟ୍ରିରେ ମଙ୍ଗଳବାର ସକାଳ ପ୍ରାୟ ୭ଟାରେ ଭୟଙ୍କର ବିସ୍ଫୋରଣ ହୋଇଛି । ଏହାର କିଛି ସମୟ ପରେ ଅର୍ଥାତ ୮ଟା ୪୮ ମିନିଟରେ ପୁଣି ଦ୍ୱିତୀୟ ଥର ବିସ୍ଫୋରଣ ହୋଇଥିଲା । ଲଗାତାର ବିସ୍ଫୋରଣରେ ପୁରା ଘର ଧ୍ୱଂସ ହୋଇ ଯାଇଛି । ବିସ୍ଫୋରଣରେ ଘର ଭିତରେ ଏବଂ ବାହାରେ ୭ ଜଣ ଗୁରୁତର ହୋଇଛନ୍ତି । ସେମାନଙ୍କ ମଧ୍ୟରୁ ୪ ଜଣଙ୍କ ମୃତ୍ୟୁ ଘଟିଛି । ୩ ଜଣ ମୃତ୍ୟୁ ସହ ସଂଘର୍ଷ କରୁଛନ୍ତି । ତେବେ ଉଦ୍ଧାରକାରୀ ଟିମ ଏବଂ ଅନ୍ୟ କେତେଜଣ ଅଳ୍ପକେ ବର୍ତ୍ତି ଯାଇଛନ୍ତି ।
ବିସ୍ଫୋରଣ ଏତେ ଭୟଙ୍କର ହୋଇଥିଲା ଯେ, ସମ୍ପୂର୍ଣ୍ଣ ଇଲାକା ଥରି ଯାଇଥିଲା । ମାଟିରୁ ଆକାଶ ଯୁଆଡେ ଚାହଁ ସିଆଡେ ଖାଲି ଧୂଆଁ ଆଉ ଧୂଳିମୟ ଦିଶୁଥିଲା । ପୋଲିସ ପ୍ରଶାସନ ଖବର ପାଇ ଘଟଣାସ୍ଥଳରେ ପହଞ୍ଚିଥିଲା । ସଙ୍ଗେ ସଙ୍ଗ ଉଦ୍ଧାର କାର୍ଯ୍ୟ ଆରମ୍ଭ ହୋଇଥିଲା । ୭ ଜଣଙ୍କୁ ଡାକ୍ତରଖାନାରେ ଭର୍ତ୍ତି କରାଯାଇଥିଲା ।
ସେମାନଙ୍କ ମଧ୍ୟରୁ ୪ ଜଣଙ୍କର ମୃତ୍ୟୁ ଘଟିଥିବା ଡିଏମ ଦୀପକ ମୀଣା କହିଛନ୍ତି । ତେବେ ସାବୁନ ଫ୍ୟାକ୍ଟ୍ରିରେ ବିସ୍ଫୋରଣ କାହିଁକି ହେଲେ ସେ ନେଇ ନାନା ପ୍ରଶ୍ନ ଉଠୁଛି । ସ୍ଥାନୀୟ ଲୋକଙ୍କ କହିବା ଅନୁଯାୟୀ ଏହି କୋଠାରେ ବାଣ ଏବଂ ବିସ୍ଫୋରକ ସାମଗ୍ରୀ ପ୍ରସ୍ତୁତ କରାଯାଉଥିଲା । ସେଥିପାଇଁ ଭୟଙ୍କର ବିସ୍ଫୋରଣ ହୋଇଛି । ଘଟଣାସ୍ଥଳରୁ ମଧ୍ୟ ବିସ୍ଫୋରକ ପଦାର୍ଥ ମିଳିଛି ।
କୁହାଯାଉଛି, ଭଗ୍ନସ୍ତୁପ ତଳେ ଅନେକ ଲୋକ ରହି ଯାଇଛନ୍ତି । ବିସ୍ଫୋରଣ ଏତେ ଜୋରରେ ହୋଇଥିଲା ଯେ, ଏ ୩୩ କେଭି ବିଦ୍ୟୁତ ଖୁଣ୍ଟ ଉପୁଡି ପଡିଛି । ରାସ୍ତାରେ ଯାଉଥିବା ଲୋକ ବି ଆହତ ହୋଇଛନ୍ତି । ଆଖପାଖ କୋଠା ବି ଦୋହଲି ଯାଇଥିଲା ।
Comments are closed.