କେରଳ: ଅଡି କାରରେ ଆସି ରାସ୍ତାକଡ଼ରେ ବସି ଶାଗ ବିକ୍ରି କରୁଛନ୍ତି ଚାଷୀ । ଯେକେହି ବି ଏହି କଥା ଶୁଣିବେ ଆଶ୍ଚର୍ଯ୍ୟ ହେବା ସ୍ୱଭାବିକ । କିନ୍ତୁ ଘଟଣାଟି ସତ । ଏମିତି ଜଣେ କେରଳର ଚାଷୀଙ୍କୁ ନେଇ ଏବେ ସୋସିଆଲ୍ ମିଡିଆରେ ଢେର ଚର୍ଚ୍ଚା । ଚାଷୀ ଜଣକ ଅଡି କାରରେ ଆସି ରାସ୍ତାକଡ଼ରେ ଶାଗ ବିକ୍ରି କରୁଥିବା ଭିଡ଼ିଓ ଖୁବ୍ ଭାଇରାଲ୍ ହେବାରେ ଲାଗିଛି ।
ଭାଇରାଲ୍ ଭିଡିଓରେ ଦେଖିବାକୁ ମିଳିଛି ଯେ, କେରଳର ସୁଜିତ ନାମକ ଜଣେ ଚାଷୀ ଶାଗ ବିକ୍ରି କରିବା ପାଇଁ ଅଡ଼ି କାରରେ ଆସି ବଜାରରେ ପହଞ୍ଚୁୁଛନ୍ତି । ପରେ କାରକୁ ପାର୍କିଂ କରି ରାସ୍ତାକଡ଼ରେ ଜୋତା ଖୋଲି ଶାଗ ଆଣି ବିକ୍ରି କରୁଛନ୍ତି । ଏହି ଭିଡିଓକୁ ସେୟାର କରି ସୁଜିତ କ୍ୟାପସନରେ ଲେଖିଛନ୍ତି, ‘ଅଡି କାରରେ ଆସିଲି ଓ ଶାଗ ବିକ୍ରି କରିଲି’ । ସୁଜିତ ୧୦ ବର୍ଷ ପୂର୍ବେ ଚାଷ କାମ ଆରମ୍ଭ କରିଥିଲେ । ସୋସିଆଲ୍ ମିଡିଆରେ ସେ ବେଶ୍ ଜଣାଶୁଣା । ତାଙ୍କର ଇନଷ୍ଟାଗ୍ରାମରେ ଚାଷ ଓ ଚାଷୀଙ୍କ ସମ୍ପର୍କିତ ଅନେକ ଭିଡିଓ ଅପଲୋଡ୍ କରନ୍ତି ।
Comments are closed.