ଭୁବନେଶ୍ୱର: ପରୀକ୍ଷାରେ କମ୍ ନମ୍ବର ରଖିଥିବା ଜଣେ ନାବାଳକକୁ ବାପା ହତ୍ୟା କରିଥିବା ଅଭିଯୋଗ ହୋଇଛି। ଶନିବାର ରାତିରେ ସହରର ୟୁନିଟ୍-୩ରେ ଏହି ଘଟଣା ଘଟିଛି।
ପୀଡ଼ିତା ସ୍ୱୟଂଶୁ ପରିଡ଼ା ଅଷ୍ଟମ ଶ୍ରେଣୀରେ ପଢୁଥିଲେ। ପରୀକ୍ଷାରେ ଭଲ ପ୍ରଦର୍ଶନ ନ କରିବାରୁ ବାପା ସନ୍ତୋଷ କୁମାର ପରିଡ଼ା ତାଙ୍କୁ ନିର୍ମମ ଭାବେ ମାଡ଼ ମାରିଥିବା ଅଭିଯୋଗ ହୋଇଛି। ପରିବାର ସହ ରହୁଥିବା ନାବାଳକର ଜେଜେମା ମଧ୍ୟ ହସ୍ତକ୍ଷେପ କରିବାକୁ ଚେଷ୍ଟା କରିଥିଲେ ମଧ୍ୟ ବାପା ତାଙ୍କ କଥା ଶୁଣିନଥିଲେ।
ଆହତ ଅବସ୍ଥାରେ ଶିଶୁଟିର ମୃତ୍ୟୁ ଘଟିଥିବା ବେଳେ ରବିବାର ତାଙ୍କ ଘରେ ତାଙ୍କ ମୃତଦେହ ମିଳିଥିଲା। ପୁଅ ଆତ୍ମହତ୍ୟା କରିଛି ବୋଲି କହି ଖାରବେଳ ନଗର ଥାନାରେ ଅଭିଯୋଗ କରି ବାପା ଅପରାଧ ଲୁଚାଇବାକୁ ଚେଷ୍ଟା କରିଥିବା କୁହାଯାଉଛି।
ତେବେ ପୁଲିସ ସନ୍ଦେହ କରି ଜେଜେମା’ଙ୍କୁ ପଚରାଉଚରା କରିବାରୁ ସତ ପଦାକୁ ଆସିଛି। ପୁଲିସ ବାପାଙ୍କ ବିରୋଧରେ ହତ୍ୟା ମାମଲା ରୁଜୁ କରି ତଦନ୍ତ ଆରମ୍ଭ କରିଛି। ପୁଲିସ ମୃତ ଦେହ ବ୍ୟବଚ୍ଛେଦ ପାଇଁ ପଠାଇବା ସହ ଘଟଣାସ୍ଥଳରୁ ପ୍ରମାଣ ସଂଗ୍ରହ କରିଛି।
ପୋଲିସ କହିଛି ଯେ ପିତା ଜଣେ ହିଂସାତ୍ମକ ଏବଂ ଅସଦାଚରଣକାରୀ ବ୍ୟକ୍ତି ଥିଲେ। ଯିଏ ଅନେକ ସମୟରେ ଛୋଟ ଛୋଟ କାରଣପାଇଁ ତାଙ୍କ ପୁଅକୁ ମାଡ଼ ମାରିଥାଆନ୍ତି। ଖୁବଶୀଘ୍ର ବାପାଙ୍କୁ ଗିରଫ କରି କୋର୍ଟ ଚାଲାଣ କରାଯିବ ବୋଲି ପୁଲିସ କହିଛି।
ପୋଲିସ ମଧ୍ୟ ଏହି ଦୁଃଖଦ ଘଟଣାରେ ଦୁଃଖ ପ୍ରକାଶ କରିବା ସହ ଅଭିଭାବକମାନଙ୍କୁ ସେମାନଙ୍କ ପିଲାଙ୍କ ପାଠପଢ଼ା କୁ ବୁଝିବା ପାଇଁ ନିବେଦନ କରିଛି।
Comments are closed.