ନୂଆଦିଲ୍ଲୀ : ସାରା ଦେଶରେ ଏବେ ବିବାହ ସିଜନ୍ ଚାଲିଛି । ବିବାହକୁ ନେଇ ସବୁ ପୁଅ , ଝିଅଙ୍କର ଏକ ସ୍ବପ୍ନ ରହିଥାଏ । ସମସ୍ତେ ନିଜ ନିଜର ବାହାଘରକୁ ନିଆରା ବନାଇବାକୁ ଚେଷ୍ଟା କରିଥାନ୍ତି । ସେଭଳି କିଛି ବାହାଘର ଦେଖିବାକୁ ମିଳିଛି ସାହରନପୁରର ବିଳାସପୁର ଗାଁରେ । ଯାହା ଏକ ଆଲୋଚନାର ବିଷୟ ପାଲଟିଛି । ଏହି ନିଆରା ବାହାଘର ଦେଖିବାକୁ ହଜାର ହଜାର ଲୋକ ଏକତ୍ରିତ ହୋଇଥିଲେ । କନ୍ୟାର ବିଦାୟୀ ଦୃଶ୍ୟ ଦେଖି ଲୋକଙ୍କର ଆଖି ଖୋସି ହୋଇଯାଇଛି । କାରଣ କନ୍ୟାର ବିଦାୟୀ କୌଣସି ପାଲିଙ୍କି ନୁହେଁ ହୋଇଥିଲା ଏକ ହେଲିକପ୍ଟରରେ ।
ଏହି ବିବାହ ସମ୍ପର୍କରେ ଯେତେବେଳେ ବର ପିତାଙ୍କୁ ପଚରା ଯାଇଥିଲା , ସେ ଯାହା କହିଥିଲେ । ତାହା ସମସ୍ତଙ୍କୁ ଭାବପ୍ରବଣ କରିଦେଇଥିଲା । ସେ କହିଥିଲେ ତାଙ୍କର ସ୍ୱର୍ଗତ ପତ୍ନୀଙ୍କର ଶେଷ ଇଚ୍ଛା ଥିଲା ଯେ ତାଙ୍କ ପୁଅର ବିବାହ ବିନା ଯୌତୁକରେ କରାଯିବ । ଏବଂ ବୋହୂର ପାଲକିନ ଏକ ହେଲିକପ୍ଟରରେ ଆସିବ । ଆଜି ମୋର ସ୍ୱର୍ଗତ ପତ୍ନୀଙ୍କର ଶେଷ ଇଚ୍ଛା ପୂରଣ ହୋଇଛି। ସେ ଆଜି ଆମ ଗ୍ରହଣରେ ନାହାଁନ୍ତି ସତ । କିନ୍ତୁ ଯେଉଁଠାରେ ବି ଥିବେ , ପୁଅର ବିବାହକୁ ଦେଖି ଅତ୍ୟନ୍ତ ଖୁସି ହେଉଥିବେ ।
ଆଜି ଗଙ୍ଗା ଅଞ୍ଚଳର ବିଲାସପୁର ଗାଁରେ ଘଟିଥିବା ଏହି ବିବାହ ବିଷୟରେ ଚାରିଆଡ଼େ ଆଲୋଚନା ହେଉଛି । ପାନିପତର ବାସିନ୍ଦା ନୀରଜ ବିବାହ ଶୋଭାଯାତ୍ରା ସହିତ ବିଳାସପୁରରେ ପହଞ୍ଚିବା ମାତ୍ରେ ଏହି ବିବାହ ଦେଖିବାକୁ ଲୋକଙ୍କ ମଧ୍ୟରେ ଉତ୍ସାହ ଦେଖାଦେଇଥିଲା। ଏହି ବିବାହ ଅତି ସରଳତାର ସହିତ ସମାପ୍ତ ହୋଇଥିଲା । କିନ୍ତୁ ବିବାହ ରୀତିନୀତି ସମାପ୍ତ ହେବା ପରେ ଯେତେବେଳେ ବର ବିଦା ହେବାର ସମସୟ ଆସିଥିଲା । ସେଠାରେ ଶହ ଶହ ଲୋକ ଏକତ୍ରିତ ହୋଇଥିଲେ। ଏବଂ ନିଆରା ଦୃଶ୍ୟକୁ ନିଜ ମୋବାଇଲରେ କ୍ୟାପଚର କରୁଥିବା ଦେଖିବାକୁ ମିଳିଥିଲା ।