କଳିଙ୍ଗ ଷ୍ଟାଡିୟମ୍‌ ଭିତରକୁ ମୋତେ ଛାଡ଼ିଲେନି : ସୁର ରାଉତରାୟ

ଭୁବନେଶ୍ବର: କଂଗ୍ରେସ ବିଧାୟକ ସୁର ରାଉତରାୟଙ୍କୁ ଆଜି କଳିଙ୍ଗ ଷ୍ଟାଡିୟମ ଭିତରକୁ ମ୍ୟାଚ ଦେଖିବାକୁ ଛଡାଯାଇନଥିବା କହିଛନ୍ତି ନିଜେ ସୁର ରାଉତରାୟ । ଗଣମାଧ୍ୟମ ଆଗରେ ନିଜର କ୍ଷୋଭ ପ୍ରକଟ କରିଛନ୍ତି ଏହି ବରିଷ୍ଠ ନେତା । ଏଭଳିକି ତାଙ୍କୁ  ଅପମାନିତ ହେବାକୁ ପଡ଼ିଥିବା ସେ ପ୍ରକାଶ କରିଛନ୍ତି।

ଆଜି ସଂଧ୍ୟାରେ ଆୟୋଜିତ ୧୭ ବର୍ଷରୁ କମ୍‌ ଫିଫା ମହିଳା ବିଶ୍ବକପ୍‌ ମ୍ୟାଚ୍‌ ଦେଖିବାକୁ ସେ ଯାଇଥିବା ବେଳେ ତାଙ୍କୁ ଗେଟ ସମ୍ମୁଖରୁ ଫେରାଇ ଦିଆଯାଇଥିବା ସେ କହିଛନ୍ତି । ଏନେଇ ରାଜ୍ୟ ସରକାରଙ୍କୁ ଟାର୍ଗେଟ କରିଛନ୍ତି । ବିଶେଷ କରି ତାଙ୍କ ଅମଳରେ ଷ୍ଟାଡିୟମ ନିର୍ମାଣ ହୋଇଥିବା ବେଳେ ଏବେ ତାଙ୍କୁ ମଧ୍ୟ ଷ୍ଟାଡିୟମ ଭିତରକୁ ଛଡାନିଯିବାକୁ ନେଇ ସେ ମୁଖ୍ୟମନ୍ତ୍ରୀଙ୍କୁ କଟାକ୍ଷ କରିଛନ୍ତି ।

ଶ୍ରୀ ରାଉତଙ୍କ କହିବା ଅନୁସାରେ ଗେଟ୍‌ ପାଖରେ ମୂତୟନ ହୋଇଥିବା ଜଣେ ବିଦେଶୀ ସୁରକ୍ଷାକର୍ମୀ ତାଙ୍କର ବାହୁଧରି ବାହାର କରିଦେଇଥିଲେ । ସେ ପାସ ଦେଖାଇଥିବା ବେଳେ ଟିକେଟ କାହିଁ ବୋଲି ସୁରକ୍ଷା କର୍ମୀ ପ୍ରଶ୍ନ କରିଥିଲେ ବୋଲି ସୁର ରାଉତରାୟ ଅଭିଯୋଗ କରିଛନ୍ତି।

ବିଶେଷ କରି ତାଙ୍କୁ ମ୍ୟାଚ ଦେଖିବା ପାଇଁ ନିମନ୍ତ୍ରଣ ଦିଆଯାଇଥିବା ବେଳେ ଏଭଳି ଅପମାନ ଗ୍ରହଣଯୋଗ୍ୟ ନୁହେଁ ବୋଲି ସେ କହିଛନ୍ତି ।