ପାଟନା: ବିହାରର ସମସ୍ତିପୁର ଜଙ୍କସନ ଠାରେ ଶନିବାର ଏଭଳି ଏକ ଘଟଣା ଘଟିଛି। ପ୍ଲାଟଫର୍ମ ନମ୍ବର ୪ ରେ ଏକ କଦଳୀକୁ ନେଇ ଦୁଇ ମାଙ୍କଡଙ୍କ ମଧ୍ୟରେ ଝଗଡ଼ା ହୋଇଥିଲା। ଗୋଟିଏ ମାଙ୍କଡ଼ ଜଣେ ଯାତ୍ରୀଙ୍କଠାରୁ ଏକ କଦଳୀ ଛଡ଼ାଇ ନେଇଥିଲା ଏବଂ ଅନ୍ୟ ମାଙ୍କଡ଼ ସେହି କଦଳୀ ନେବା ପାଇଁ ଚେଷ୍ଟା କରିଥିଲା।
ଏହାରି ମଧ୍ୟରେ କୌଣସି ଏକ ଜିନିଷ ମାଙ୍କଡ଼ ହାତରୁ ଯାଇ ଟ୍ରେନର ଓଭରହେଡ୍ ତାର ଉପରେ ପଡିଥିଲା। ଓଭରହେଡ୍ ତାର ଟ୍ରେନକୁ ବିଦ୍ୟୁତ୍ ଯୋଗାଇଥାଏ। ଫଳରେ ତାରରେ ଏକ ସର୍ଟ ସର୍କିଟ ହୋଇଥିଲା ଏବଂ ତାରଟି ଛିଡି ଟ୍ରେନର ବଗି ଉପରେ ପଡିଥିଲା। ସର୍ଟ ସର୍କିଟ ହେତୁ ବିଦ୍ୟୁତ୍ ଯୋଗାଣ ବନ୍ଦ ହେବାରୁ ଟ୍ରେନ୍ ଚଳାଚଳ ବନ୍ଦ ହୋଇଗଲା |
ଏହି ଘଟଣାରେ ବିହାର ସମ୍ପର୍କ କ୍ରାନ୍ତି ସମେତ ଅନେକ ଟ୍ରେନ୍ ନିର୍ଦ୍ଧାରିତ ସମୟରୁ ବିଳମ୍ବରେ ଚାଲିଥିଲା । ଫଳରେ ଯାତ୍ରୀମାନଙ୍କୁ ବହୁ ଅସୁବିଧାର ସମ୍ମୁଖୀନ ହେବାକୁ ପଡିଲା। ଏନେଇ ଷ୍ଟେସନ ଅଧୀକ୍ଷକ କହିଛନ୍ତି ଯେ ସୂଚନା ପାଇବା ପରେ ଏକ ଦଳକୁ ଘଟଣାସ୍ଥଳକୁ ପଠାଯାଇଛି। ତାର ମରାମତି ପରେ ଟ୍ରେନ୍ ଚଳାଚଳ ଆରମ୍ଭ କରିଥିଲା।
Comments are closed.