ମୁମ୍ବାଇ: ରିଲିଜ୍ ହେଲା ବିଶାଲ ଭରଦ୍ୱାଜଙ୍କ ଆଗାମୀ ସ୍ପାଇ ଥ୍ରୀଲର ‘ଖୁଫିୟା’ର ଟିଜର । ଏଥିରେ ମୁଖ୍ୟ ଭୂମିକାରେ ବଲିଉଡ଼ ଅଭିନେତ୍ରୀ ତବୁ ନଜର ଆସିଛନ୍ତି । ଖୁବ୍ଶୀଘ୍ର ଏହା ଓଟିଟି ପ୍ଲାଟଫର୍ମ ନେଟଫ୍ଲିକ୍ସରେ ରିଲିଜ ହେବାକୁ ଯାଉଛି । ନିକଟରେ ଏହି ଫିଲ୍ମର ଘୋଷଣା ସହ ଅଭିନୟ କରିଥିବା କଳାକାରଙ୍କ ଝଲକ ଦେଖିବାକୁ ମିଳିଛି । ଏହା ଆସନ୍ତା ଅକ୍ଟୋବର ୫ରେ ରିଲିଜ ହେବ । ଏହି ସସପେନ୍ସ ଭର୍ତ୍ତି ଟିଜର ଦେଖିବା ପରେ ପ୍ରଶଂସକମାନେ ବହୁତ ଉତ୍ସାହିତ ହୋଇଯାଇଛନ୍ତି ।
ଏହି ଫିଲ୍ମରେ ଅଭିନେତ୍ରୀ ତବ୍ୱୁ, ଅଲି ଫାଜଲ ଓ ଭାମିକା ଗବ୍ୱି ମୁଖ୍ୟ ଭୂମିକାରେ ଅଭିନୟ କରିଛନ୍ତି । ଏହି ଫିଲ୍ମ ମାଧ୍ୟମରେ ତବ୍ୱୁ ଓଟିଟି ପା୍ଲଟଫର୍ମରେ ତହଲକା ମଚାଇବାକୁ ଆସୁଛନ୍ତି । ତବ୍ୱୁଙ୍କ ଅଭିନୟକୁ ଲୋକେ ଖୁବ୍ ପସନ୍ଦ କରନ୍ତି । ଏହି ଫିଲ୍ମଟି ଅମର ଭୂଷଣଙ୍କ ପୁସ୍ତକ ‘ଏସକେପ ଟୁ ନୋ ହୋୟର’ ଉପରେ ଆଧାରିତ ।
ଫିଲ୍ମ ‘ଖୁଫିୟା’ର ଟିଜରରେ ଅଲି ଫଜଲ କିଛି କାଗଜର ଫଟୋ କପି କରୁଥିବା ଦେଖିବାକୁ ମିଳିଛି । କ୍ୟାମେରା ମାଧ୍ୟମରେ ତବ୍ୱୁ ସେମାନଙ୍କ ଉପରେ ନଜର ରଖିଥିବାର ନଜର ଆସିଛନ୍ତି । ଏହା ପରେ ଦେଖାଯାଏ ଯେ ମେଶିନରୁ କାଗଜ ବାହାରୁଛି ଏବଂ ଏଥିରେ ‘ଗୁପ୍ତଚର’ ଏବଂ ଶୀର୍ଷ ରହସ୍ୟ ଲେଖାଯାଇଛି । ଏହା ସହିତ ଫିଲ୍ମର ରିଲିଜ ତାରିଖ ମଧ୍ୟ ଏହି ଟିଜର ମାଧ୍ୟମରେ କୁହାଯାଇଛି ।
Comments are closed.