ଦିଲ୍ଲୀ ଲାଜପତ ରାୟ ମାର୍କେଟରେ ଭୟାବହ ଅଗ୍ନିକାଣ୍ଡ

ନୂଆଦିଲ୍ଲୀ: ଜଳିଗଲା ଦିଲ୍ଲୀ ଚାନ୍ଦନୀଚୌକରେ ଥିବା ଲାଜପତ ରାୟ ମାର୍କେଟ । ସକାଳୁ ସକାଳୁ ଅଗ୍ନିକାଣ୍ଡ ହୋଇଥିଲା । ନିଆଁରେ ଛାରଖାର ହୋଇଯାଇଛି ବହୁ ଦୋକାନ ଘର । ଲକ୍ଷାଧିକ ଟଙ୍କା ସାମଗ୍ରୀ ପୋଡ଼ି ପାଉଁଶ ହୋଇଯାଇଛି । ପ୍ରଥମେ ଗୋଟିଏ ଦୋକାନରୁ ନିଆଁ ବାହାରିଥିଲା । ପରେ ଚାରିଆଡ଼େ ମାଡ଼ି ଯାଇଥିଲା । ଶହେରୁ ଅଧିକ ଦୋକାନ ଘର ଜଳି ପାଉଁଶ ହୋଇଯାଇଛି ।

ଘଟଣାସ୍ଥଳରେ ଅଗ୍ନିଶମବାହିନୀର ୧୩ଟି ଟିମ୍ ପହଞ୍ଚି ଦୀର୍ଘ ଘଣ୍ଟା ପରେ ନିଆଁକୁ ଆୟତ୍ତ କରିଥିଲେ । ତେବେ ଅଗ୍ନିକାଣ୍ଡରେ କୌଣସି ଜୀବନହାନୀ ହୋଇନି । ସକାଳ ୪ଟା ୪୫ ମିନିଟରେ ନିଆଁ ଲାଗିଥିବା କୁହାଯାଉଛି । ଘଟଣାସ୍ଥଳରେ ପୋଲିସ ଓ ଅଗ୍ନିଶମ ବାହିନୀ ଟିମ୍ ପହଞ୍ଚିଲା ବେଳକୁ ପ୍ରବଳ ନିଆଁ ଲାଗୁଥିଲା ।

Delhi: Visuals from Lajpat Rai Market in Chandni Chowk where a fire broke out early morning today pic.twitter.com/faNkAbjpWc

— ANI (@ANI) January 6, 2022

ଅଗ୍ନିକାଣ୍ଡର ପ୍ରକୃତ କାରଣ ଅସ୍ପଷ୍ଟ ରହିଛି । ସର୍ଟ ସର୍କିଟରୁ ନିଆଁ ଲାଗିଲା ନା ଏହା ପଛରେ ଆଉ କଣ କାରଣ ରହିଛି ଅନୁଧ୍ୟାନ ଚାଲିଛି । ପାଉଁଶ ତଳୁ ଦୋକାନୀ ପୋଡ଼ି ଯାଇଥିବା ସାମଗ୍ରୀ ଖୋଜୁଛନ୍ତି । ଜଳି ପୋଡ଼ି ନଷ୍ଟ ହୋଇଯାଇଚି ବହୁ ଦୋକାନ ଘର ।