ବାଲେଶ୍ଵର : ବାଲେଶ୍ଵର ଶୋଭାରମପୁରରେ ଯୁବକଙ୍କୁ ଗୁଳିମାଡ ଘଟଣା । ପୋଲିସ ଏହି ଘଟଣାରେ ୮ଜଣଙ୍କୁ ଅଟକ ରଖି ପଚରାଉଚରା କରୁଥିବା ଜଣାପଡିଛି । କଥା କଟିରୁ ଏହି ଗୁଳିକାଣ୍ତଡ ଘଟିଥିବା ପୋଲିସର ପ୍ରାଥମିକ ତଦନ୍ତରୁ ଜଣାପଡିଛି । ଗତକାଲି ରାତିରେ ଶୋଭାରମପୁରର ଅନ୍ଧାରୀ ମଙ୍ଗଳା ଠାକୁରାଣୀ ଗଳିରେ ବିନୟ କୁମାର ନାମକ ଯୁବକଙ୍କ ଉପରକୁ ଅତିର୍କିତ ଗୁଳି ମାଡ଼ ହୋଇଥିଲା। ଫଳରେ ବିନୟଙ୍କୁ ଗୁରୁତର ଅବସ୍ଥାରେ ପ୍ରଥମେ ବାଲେଶ୍ବର ମେଡିକାଲରେ ଭର୍ତ୍ତି କରାଯାଇଥିଲା । ହେଲେ ପରେ ଅବସ୍ଥା ସଙ୍କଟାପର୍ଣ୍ଣ ହେବାରୁ ତାଙ୍କୁ କଟକ ବଡ଼ ମେଡିକାଲକୁ ସ୍ଥାନାନ୍ତର କରାଯାଇଥିଲା ।
ଗତକାଲି ଅପରାହ୍ନରେ ବିନୟ ଗାଁର ମଙ୍ଗଳା ଠାକୁରାଣୀ ଗଳିରେ ଆସୁଥିବା ବେଳେ ତାଙ୍କ ଉପରକୁ ଗୁଳିମାଡ଼ ହୋଇଥିଲା। ଗୁଳିଟି ବିନୟଙ୍କର ଡାହାଣ ହାତରେ ବାଜିଛି । ତାଙ୍କୁ ବାଲେଶ୍ୱର ଡାକ୍ତରଖାନାରେ ଭର୍ତ୍ତି କରାଯାଇଛି। ପରେ ସହଦେବ ଖୁଣ୍ଟା ଥାନା ଅଧିକାରୀ ଖବର ପାଇ ହସ୍ପିଟାଲରେ ପହଞ୍ଚି ଘଟଣା ସମ୍ପର୍କରେ ବିନୟଙ୍କୁ ଅଧିକ ପଚରାଉଚରା କରୁଥିବା ଜଣାପଡିଛି । ସହଦେବ ଖୁଣ୍ଟା ପୁଲିସ ଘଟଣାର ତନାଘନା ଆରମ୍ଭ କରି ପୂର୍ବ ଶତ୍ରୁତା ଓ ଦାଦବଟିରୁ ଗୁଳିକାଣ୍ଡ ଘଟିଥିବା ଜାଣିବାକୁ ପାଇଛି। ପୁଲିସ୍ ସୂଚନା ଅନୁଯାୟୀ, ଗୁଳି ମାଡ଼ର ଶିକାର ହୋଇଥିବା ବିନୟ କୁମାର ଓ ଗୁଳି ମାଡ଼ରେ ସମ୍ପୃକ୍ତ ଥିବା ୮ ଜଣ ସମସ୍ତେ ଅପରାଧିକ କାର୍ଯ୍ୟକଳାପରେ ସମ୍ପୃକ୍ତ। ସମସ୍ତଙ୍କ ନାଁରେ ପୂର୍ବରୁ ଥାନାରେ ମାମଲା ରୁଜୁ ହୋଇଛି।
Comments are closed.