ମିଶର: ମିଶରର ପୂର୍ବତନ ରାଷ୍ଟ୍ରପତି ହୋସନୀ ମୁବାରକ ୯୧ ବର୍ଷ ବୟସରେ ଶେଷ ନିଶ୍ୱାସ ତ୍ୟାଗ କରିଛନ୍ତି। ମିଶରର ସରକାରୀ ଟିଭି ଚ୍ୟାନେଲ ଏହି ସୂଚନା ଦେଇଛି । କିଛି ସପ୍ତାହ ପୂର୍ବରୁ ତାଙ୍କର ଅପରେସନ ହୋଇଥିଲା । ମୁବାରକ ମିଶରରେ ପ୍ରାୟ ୩୦ ବର୍ଷ ରାଜୁତି କରିଥିଲେ । ୨୦୧୧ରେ ହୋଇଥିବା ବିଶାଳ ବିରୋଧ ପ୍ରଦର୍ଶନ ପରେ ସେ ପଦ ଛାଡିଥିଲେ।
ଏହାପରେ ସେ ଅନେକ ଦିନ ଧରି ଜେଲରେ ରହିଥିଲେ। ୨୦୧୭ରେ ବିଭିନ୍ନ ମାମଲାରେ ଦୋଷମୁକ୍ତ ହୋଇ ସେ ଜେଲରୁ ଖଲାସ ହୋଇଥିଲେ। ତାଙ୍କ ଉତ୍ତରାଧିକାରୀ ମହମ୍ମଦ ମୋରସୀଙ୍କୁ ଗଣତାନ୍ତ୍ରିକ ପଦ୍ଧତିରେ ନିର୍ବାଚିତ କରାଯାଇଥିଲା। କିନ୍ତୁ ସୈନ୍ୟ ବିଦ୍ରୋହ ପରେ ତାଙ୍କୁ ୨୦୧୩ରେ ହଟାଇ ଦିଆଯାଇଥିଲା।
Comments are closed.