ଭୁବନେଶ୍ୱର: ସ୍ଥାନୀୟ ସାଂସଦ ଅପରାଜିତା ଷଡଙ୍ଗୀ ସୋମବାର ଦିନ ୧୬ନଂ ଜାତୀୟ ରାଜପଥରେ ଥିବା ରାଜଧାନୀ ଭୁବନେଶ୍ୱରର ହଂସପାଳ ଫ୍ଲାଏଓଭର ଓଭରର ମୂଳଦୁଆ ପକାଇଛନ୍ତି।
ଇଞ୍ଜିନିୟରିଂ, କ୍ରୟ ଏବଂ କନଷ୍ଟ୍ରକସନ (ଇପିସି) ମୋଡରେ ଆନୁମାନିକ ୩୦ କୋଟି ଟଙ୍କା ବ୍ୟୟରେ ନିର୍ମିତ ହେବାକୁ ଥିବା ଏହି ୫.୫ କିଲୋମିଟର ଲମ୍ବର ଫ୍ଲାଏଓଭର ପାଇଁ ନ୍ୟାସନାଲ ହାଇୱେ ଅଥରିଟି ଅଫ୍ ଇଣ୍ଡିଆ ଟେଣ୍ଡର ଭରିଛି।
ଟେଣ୍ଡର ବିଜ୍ଞପ୍ତି ଅନୁଯାୟୀ, ଏହାର ସମାପ୍ତି ଅବଧି ୧୮ ମାସ ସ୍ଥିର ହୋଇଥିବାବେଳେ ରକ୍ଷଣାବେକ୍ଷଣ ଅବଧି ୬୦ ମାସ ଅଟେ।
ଏନେଇ ଅପରାଜିତା କହିଛନ୍ତି ଯେ ଯେପରି ପ୍ରକଳ୍ପ ଠିକ ସମୟରେ ଶେଷ ହେବ, ସେଥିପାଇଁ ଏନଏଚଏଆଇ ପ୍ରକଳ୍ପ ନିର୍ଦ୍ଦେଶକ ଏବଂ ସ୍ଥାନୀୟ ବାସିନ୍ଦାଙ୍କୁ ନେଇ ଏକ କମିଟି ଗଠନ କରାଯାଇଛି।
ଜୁଲାଇ ୨୦୧୯ ରେ, ସଡକ ପରିବହନ ଏବଂ ରାଜପଥ ମନ୍ତ୍ରୀ ନିତିନ ଗଡକରୀଙ୍କ ସହ ସାଂସଦ ହଂସପାଳ ଫ୍ଲାଏଓଭର ନିର୍ମାଣକୁ ନେଇ ଏକ ବୈଠକ କରିଥିଲେ ଏବଂ ଗତ ବର୍ଷ ଅକ୍ଟୋବରରେ ଏହି ପ୍ରକଳ୍ପର ଅଗ୍ରଗତି ବିଷୟରେ ଘୋଷଣା କରିଥିଲେ।
ସାଂସଦଙ୍କୁ କୃତଜ୍ଞତା ଜଣାଇ ସ୍ଥାନୀୟ ଲୋକ କହିଛନ୍ତି ଯେ ଏହି ଫ୍ଲାଏଓଭର ରାସ୍ତା ଦୁର୍ଘଟଣାକୁ ଅନେକାଂଶରେ ଦୂର କରିବାରେ ସାହାଯ୍ୟ କରିବ।
Comments are closed.