ନୂଆଦିଲ୍ଲୀ: ନୂଆଦିଲ୍ଲୀରେ ଅନୁଷ୍ଠିତ ହେଉଥିବା ଇଣ୍ଡିଆ ଏଆଇ ଇମ୍ପାକ୍ଟ ସମିଟ୍ ୨୦୨୬ ଗତ ଦୁଇ ଦିନ ଧରି ସାରା ବିଶ୍ୱରେ ଚର୍ଚ୍ଚାରେ ରହିଛି। ଫେବୃଆରୀ ୧୬ ତାରିଖରେ ଆରମ୍ଭ ହୋଇଥିବା ଏହି ସମିଟ୍ରେ ବିଶ୍ୱର ଟେକ୍ ମହାରଥୀମାନେ ଅଂଶଗ୍ରହଣ କରୁଛନ୍ତି। ପ୍ରଥମ ଦିନରେ ପ୍ରଧାନମନ୍ତ୍ରୀ ନରେନ୍ଦ୍ର ମୋଦି ଏହି ସମିଟ୍କୁ ଉଦଘାଟନ କରିଥିଲେ। ଫେବୃଆରୀ ୧୭ରେ ଗାଲଗୋଟିଆସ୍ ବିଶ୍ୱବିଦ୍ୟାଳୟ ଏଭଳି ଏକ କାରନାମା କରିଛି ଯାହାକୁ ନେଇ ସାରା ବିଶ୍ୱରେ ଭାରତ ପାଇଁ ଲଜ୍ଜାଜନକ ପରିସ୍ଥିତି ସୃଷ୍ଟି ହୋଇଛି।
ଯାହା ପରେ ଗାଲଗୋଟିଆସ୍ ବିଶ୍ୱବିଦ୍ୟାଳୟକୁ ଏଆଇ ସମିଟ୍ରେ ତୁରନ୍ତ ଏହାର ଷ୍ଟଲ୍ ଖାଲି କରିବାକୁ କୁହାଯାଇଛି। ବିଶ୍ୱବିଦ୍ୟାଳୟ ଏକ୍ସପୋରେ ଏକ ରୋବୋଟିକ୍ କୁକୁର ପ୍ରଦର୍ଶନ କରିଥିଲା। ଏଥିସହିତ ରୋବୋଟକୁ ନିଜର ବୋଲି ଦାବି ମଧ୍ୟ କରିଥିଲା। କିନ୍ତୁ ଏହା ପ୍ରକୃତରେ ଏକ ଚୀନ୍ ନିର୍ମିତ ରୋବୋଟ କୁକୁର ଥିଲା ଯାହା ଅନଲାଇନରେ କ୍ରୟ ପାଇଁ ମଧ୍ୟ ଉପଲବ୍ଧ।
ଗାଲଗୋଟିଆସ୍ଙ୍କ କଥିତ ଚୀନ୍ ରୋବୋଟିକ୍ କୁକୁରର ଏକ ଭିଡିଓ ଭାଇରାଲ୍ ହେବା ପରେ ଏହାକୁ ସୋସିଆଲ ମିଡିଆରେ ପ୍ରବଳ ସମାଲୋଚନା କରାଯାଇଥିଲା। ତେବେ ଏନେଇ ବିଶ୍ୱବିଦ୍ୟାଳୟ ପରେ ସ୍ପଷ୍ଟ କରିଥିଲା ଯେ କୁକୁରଟି ଏକ ଚୀନ୍ ରୋବୋଟିକ୍ସ କମ୍ପାନୀଠାରୁ କିଣାଯାଇଥିଲା ଏବଂ ଏହାକୁ କେବଳ ଏକ ଶିକ୍ଷାଗତ ଉପକରଣ ଭାବରେ ବ୍ୟବହାର କରାଯାଉଥିଲା।ବିଶ୍ୱବିଦ୍ୟାଳୟ ଏକ୍ସପୋରେ ଏକ ଏଆଇ-ଆଧାରିତ ରୋବୋଟିକ୍ କୁକୁର ପ୍ରଦର୍ଶନ କରିଥିଲା। ଭିଡିଓଟି ଭାଇରାଲ ହେବା ପରେ ତୀବ୍ର ସମାଲୋଚନା କରାଯାଇଥିଲା। ଏକ ତଦନ୍ତରୁ ଜଣାପଡିଛି ଯେ ରୋବୋଟଟି ଏକ ଚୀନ୍ ରୋବୋଟିକ୍ସ କମ୍ପାନୀ ଦ୍ୱାରା ତିଆରି କରାଯାଇଛି।
ବିବାଦ ସେତେବେଳେ ଆହୁରି ବଢ଼ିଥିଲା ଯେତେବେଳେ ବିଶ୍ୱବିଦ୍ୟାଳୟ ଦିଲ୍ଲୀ ସମ୍ମିଳନୀରେ ଏକ ଚୀନ୍ ରୋବୋଟକୁ ନିଜର କହି ପ୍ରଦର୍ଶନ କରିଥିଲା। ଯାହା ବଜାରରେ ଉପଲବ୍ଧ ହେଉଥିବା ବେଳେ ଏହାର ମୂଲ୍ୟ ପ୍ରାୟ ୨ରୁ ୩ଲକ୍ଷ ଟଙ୍କା ରହିଛି। ଯାହାର ନାଁ “ଓରିଅନ୍” ରହିଛି।
Comments are closed.