ବରଗଡ: ଜିଲ୍ଲାର ବାଲିଜୋରିରେ ଚାଲିଥିବା ଜୁଆ ଆଡ୍ଡା ଉପରେ ଚଢ଼ାଉ । ଘଟଣାସ୍ଥଳରୁ ଲକ୍ଷାଧିକ ଟଙ୍କା ଜବତ ସହ ୧୮ ଜଣଙ୍କୁ ଗିରଫ କଲା ପୋଲିସ । ଖବର ମିଳିବା ପରେ ଏହି ଚଢ଼ାଉ ହୋଇଥିଲା। ଆଜି (ଶନିବାର) ସନ୍ଧ୍ୟା ସମୟରେ ଏହି ଜୁଆ ଆଡ୍ଡା ଚାଲିଥିବାର ଖବରପାଇ ଗିରଫ କରିଛି ପୋଲିସ ।
ବରଗଡ଼ ଏସପିଙ୍କ ନିର୍ଦେଶ କ୍ରମେ ତଥା ଏସଡିପିଓଙ୍କ ତତ୍ୱାବଧାନରେ ସଦର ପୋଲିସ ଓ ବରପାଲି ପୋଲିସର ମିଳିତ ଉଦ୍ୟମରେ ବାଲିଯୋର ଠାରେ ଚାଲିଥିବା ଜୁଆ ଅଡ୍ଡା ଉପରେ ପୋଲିସ ଚଢ଼ାଉ କରିଛି ।
ଏହି ଚଢ଼ାଉ ସମୟରେ ୧୮ ଜଣକୁ ଗିରଫ କରିବା ସହ ୨୦ ଗୋଟି ବାଇକ, ନଗଦ ଏକ ଲକ୍ଷ କୋଡିଏ ହଜାର ଟଙ୍କା, ୧୪ ଗୋଟି ମୋବାଇଲ ସହ ଅନ୍ୟ ସାମଗ୍ରୀ ଜବତ କରିଛି ପୋଲିସ ।
ତେବେ ସଦର ଥାନା ପକ୍ଷରୁ କେଶ ନମ୍ବର ୩୬୦/୨୩ ରେ ଏକ ମାମଲା ରୁଜୁ କରି ଅଭିଯୁକ୍ତ ମାନଙ୍କୁ କୋର୍ଟ ଚାଲାଣ କରିଛି ପୋଲିସ । ଏନେଇ ଏକ ସାମ୍ବାଦିକ ସମ୍ମିଳନୀ ମାଧ୍ୟମରେ ସୂଚନା ଦେଇଛନ୍ତି ବରଗଡ଼ ଏସଡିପିଓ ପଦାରବିନ୍ଦ ତ୍ରିପାଠୀ ।
Comments are closed.