କୋଭିଡରୁ ସୁସ୍ଥ ହୋଇ ୩ ଥର ପ୍ଲାଜମା ଦାନ କଲେ ଗଞ୍ଜାମର ଏହି ବ୍ୟକ୍ତି

ବ୍ରହ୍ମପୁର: ଗଞ୍ଜାମର ଜଣେ ବ୍ୟକ୍ତି ପ୍ରଥମ କୋଭିଡ ଯୋଦ୍ଧା ଭାବେ ତିନି ଥର ପ୍ଲାଜମା ଦାନ କରିିଛନ୍ତି । ତାଙ୍କର ଏଭଳି କାର୍ଯ୍ୟ ପାଇଁ ମୁଖ୍ୟମନ୍ତ୍ରୀ ନବୀନ ପଟ୍ଟନାୟକ ତାଙ୍କୁ ପ୍ରଶଂସା କରିଛନ୍ତି ।

ସମ୍ପୃକ୍ତ ବ୍ୟକ୍ତିଙ୍କ ନାମ ଏନ୍ ଡମ୍ବୁରୁ ରେଡ୍ଡୀ ଏବଂ ସେ ରଙ୍ଗେଇଲୁଣ୍ଡା ବ୍ଲକ୍ ର କୋଠରାସିଙ୍ଗିିର ବାସିନ୍ଦା ବୋଲି ଜଣାପଡିଛି । ଯିଏକି ଗତ ଅଗଷ୍ଟ ୨୩ ତାରିଖରେ ଏମକେସିଜି ମେଡିକାଲ ଓ କଲେଜରେ ପ୍ରଥମ ଥର ପ୍ଲାଜମା ଦାନ କରିଥିଲେ ।

Commend N Damburu Reddy from Kotharasingi of Ganjam District for donating plasma multiple times after recovering from #COVID19. Such noble acts of many Good Samaritans helped save precious lives and strengthened #Odisha’s fight against the pandemic.#OdishaCares pic.twitter.com/AKC4vigAC1

— CMO Odisha (@CMO_Odisha) November 9, 2020

ପରବର୍ତ୍ତୀ ସମୟରେ ସେ ଅକ୍ଟାବର ୬ରେ ଦ୍ୱିତୀୟ ଥର ଏବଂ ଗତ ଶନିବାର ଦିନ ମଧ୍ୟ ପ୍ଲାଜମା ଦାନ କରିଥିଲେ ।

ଗଣମାଧ୍ୟମରେ ପ୍ରକାଶିତ ରିପୋର୍ଟ ଅନୁଯାୟୀ ଶ୍ରୀ ରେଡ୍ଡୀ ଜୁଲାଇ ୧୭ରେ କରୋନା ପଜିଟିଭ ଚିହ୍ନଟ ହୋଇଥିଲେ । ଯାହା ପରେ ସେ କୋଭିଡ କେୟାର ସେଣ୍ଟରରେ ଭର୍ତ୍ତି ହୋଇଥିଲେ ।

ତେବେ ସେ ମେଡିକାଲରୁ ସୁସ୍ଥ ହେବା ପରେ କିଛି ଦିନ ପାଇଁ ହୋମ୍ ଆଇସୋଲେସନରେ ମଧ୍ୟ ରହିଥିଲେ ।