ନୂଆଦିଲ୍ଲୀ: ଭୁବନେଶ୍ବର ବିଜୁ ପଟ୍ଟନାୟକ ବିମାନବନ୍ଦର ସମେତ ଦେଶର ୨୫ଟି ବିମାନ ବନ୍ଦରର ହେବ ଘରୋଇକରଣ। ଏ ନେଇ କେନ୍ଦ୍ର ସରକାର ରାଜ୍ୟସଭାକୁ ଅବଗତ କରାଇଛନ୍ତି। ନ୍ୟାସନାଲ ମୋନେଟାଇଜେସନ୍ ପାଇପଲାଇନ (NMP) ଅନୁଯାୟୀ, ଏୟାରପୋର୍ଟ ଅଥରିଟି ଅଫ୍ ଇଣ୍ଡିଆ (AAI) ର ୨୫ ବିମାନବନ୍ଦର ୨୦୨୨ ରୁ ୨୦୨୫ବର୍ଷ ମଧ୍ୟରେ ଲିଜ୍ ହେବାର ଯୋଜନା ରହିଛି।
ବେସାମରିକ ବିମାନ ଚଳାଚଳ ମନ୍ତ୍ରୀ ଭି.କେ ସିଂ ସୋମବାର ରାଜ୍ୟସଭାରେ ଏକ ପ୍ରଶ୍ନର ଉତ୍ତରରେ କହିଛନ୍ତି ଯେ ବେସରକାରୀ କ୍ଷେତ୍ରର ଦକ୍ଷତା ଏବଂ ପୁଞ୍ଜି ବିନିଯୋଗକୁ ଉନ୍ନତ ପରିଚାଳନା ପାଇଁ ଏୟାରପୋର୍ଟ ଅଥିରିଟି ଅଫ୍ ଇଣ୍ଡିଆ ବିମାନବନ୍ଦରକୁ ଜନସାଧାରଣଙ୍କ ସ୍ୱାର୍ଥରେ ଲିଜ୍ ଦିଆଯାଉଛି। ରାଜ୍ୟ ତଥା ଯାତ୍ରୀମାନେ ଉନ୍ନତ ବିମାନବନ୍ଦର ଭିତ୍ତିଭୂମି ଏବଂ ଏକ ଘରୋଇ ଭାଗିଦାରୀ ଦ୍ୱାରା ସୃଷ୍ଟି ସୁବିଧାଗୁଡ଼ିକ ଲୋକମାନେ ଏହା ଦ୍ବାରା ଲାଭପାଇବେ। ଯାହା ପବ୍ଲିକ୍ ପ୍ରାଇଭେଟ ପାର୍ଟନରସିପ୍ (ପିପିପି) ଅଧୀନରେ ଲିଜ୍ ଉପରେ ବିମାନବନ୍ଦର ପରିଚାଳନା କରେ।
ବେସାମରିକ ବିମାନ ଚଳାଚଳ ମନ୍ତ୍ରଣାଳୟ ଅନୁଯାୟୀ ଭୁବନେଶ୍ୱର, ବାରାଣାସୀ, ଅମୃତସର, ତ୍ରିଚି, ଇନ୍ଦୋର, ରାୟପୁର, କୋଲକାତା, କୋଏମ୍ବାଟୁର, ନାଗପୁର, ପାଟନା, ମଦୁରାଇ, ସୁରଟ, ରାଞ୍ଚି, ଯୋଧପୁର, ଚେନ୍ନାଇ, ବିଜୟୱାଡା, ଭଦୋଦରା, ଭୋପାଳ, ତିରୁପତି, ହାବେଳି ବିମାନବନ୍ଦର, ଅଗରତାଲା, ଉଦୟପୁର, ଡେରାଡୁନ୍ ଏବଂ ରାଜମୁନ୍ଦରୀ ୨୦୨୨ ରୁ ୨୦୨୫ ପର୍ଯ୍ୟନ୍ତ ଲିଜ୍ ପାଇଁ ଧାର୍ଯ୍ୟ କରାଯାଇଛି। ଏଥିସହ, AAI ଏହାର ଆଠଟି ବିମାନବନ୍ଦରକୁ ପିପିପି ଅଧୀନରେ ଦୀର୍ଘକାଳୀନ ଲିଜ୍ ଆଧାରରେ ପରିଚାଳନା, ଏବଂ ବିକାଶ ପାଇଁ ଲିଜ୍ ଦେଇଛି।
ମନ୍ତ୍ରୀ ଆହୁରି ମଧ୍ୟ କହିଛନ୍ତି ଯେ ବିମାନବନ୍ଦରଗୁଡିକ ଅର୍ଥନୈତିକ କାର୍ଯ୍ୟକଳାପର କେନ୍ଦ୍ର ଭାବରେ ଉଭା ହୋଇଛି ଏବଂ ଏହା ରାଜ୍ୟ ଅର୍ଥନୀତିରେ ଭଲ ପ୍ରଭାବ ପକାଉଛି। AAI ଦ୍ବାରା ଲିଜ୍ ହୋଇଥିବା ବିମାନବନ୍ଦରଗୁଡିକରୁ ରାଜସ୍ୱ ସମଗ୍ର ଦେଶରେ ବିମାନବନ୍ଦର ଭିତ୍ତିଭୂମି ବିକାଶ ପାଇଁ ବ୍ୟବହୃତ ହୁଏ।
ଇନ୍ଦିରା ଗାନ୍ଧୀ ଅନ୍ତର୍ଜାତୀୟ ବିମାନବନ୍ଦର, ଦିଲ୍ଲୀ, ଛତ୍ରପତି ଶିବାଜୀ ମହାରାଜ ଅନ୍ତର୍ଜାତୀୟ ବିମାନବନ୍ଦର, ମୁମ୍ବାଇ, ଚୌଧୁିରୀ ଚରଣ ସିଂ ଅନ୍ତର୍ଜାତୀୟ ବିମାନବନ୍ଦର, ଲକ୍ଷ୍ନୌ, ସର୍ଦ୍ଦାର ଭାଲାଭଭାଇ ପଟେଲ ଅନ୍ତର୍ଜାତୀୟ ବିମାନବନ୍ଦର, ଅହମ୍ମଦାବାଦ, ମେଙ୍ଗଲୁରୁ ଅନ୍ତର୍ଜାତୀୟ ବିମାନବନ୍ଦର, ଜୟପୁର ଅନ୍ତର୍ଜାତୀୟ ବିମାନବନ୍ଦରରେ ଲୋକପ୍ରିୟ ଗୋପୀନାଥ ବୋର୍ଡୋଲି ଅନ୍ତର୍ଜାତୀୟ ବିମାନବନ୍ଦର ଏଥିରେ ଅନ୍ତର୍ଭୁକ୍ତ ରହିଛି।
