Govinda & Sunita: ଗଣପତି ବିସର୍ଜନରେ ଏକାଠି ଝୁମୁଥିବାର ନଜର ଆସିଲେ ସୁନିତା-ଗୋବିନ୍ଦା, ଛାଡପତ୍ର ଗୁଜବରେ ପଡିଲା ପୂର୍ଣ୍ଣଚ୍ଛେଦ….

ମୁମ୍ବାଇ: ଏବେ ଗଣେଶ ଚତୁର୍ଥୀରେ ମାତିଛି ପୂରା ବଲିଉଡ୍ । ଯାହାର ଫଟୋ ଏବଂ ଭିଡିଓ ଏବେ ସୋସିଆଲ ମିଡିଆରେ ଭାଇରାଲ ହେଉଛି । ଏହି ସମୟରେ, ହିରୋ ନମ୍ବର ଓ୍ବାନ ଷ୍ଟାର ଗୋବିନ୍ଦା ତାଙ୍କ ପତ୍ନୀ ସୁନୀତା ଆହୁଜା ଏବଂ ତାଙ୍କ ପରିବାର ସହିତ ବପ୍ପାଙ୍କୁ ବିଦାୟ ଦେଇଥିବାର ଭିଡିଓ ଏବେ ଭାଇରାଲ ହେଉଛି । ଯେଉଁତିରେ ସୁନୀତା ଏବଂ ଗୋବିନ୍ଦା ଏକାଠି ଖୁସିର ସହ ଗଣପତି ବିସର୍ଜନରେ ନାଚି ନାଚି ବପ୍ପାଙ୍କୁ ବିଦାୟ ଦେିଛନ୍ତି । ଗତ କିଛି ଦିନ ଡେବ ଉଭୟଙ୍କ ବିବାହ ବିଚ୍ଛେଦ ଚର୍ଚ୍ଚାରେ ରହିଥିବା ବେଳେ ଦୁହିଁଙ୍କର ଏହି ଭିଡିଓ ଏବେ ପ୍ରଶଂସକଙ୍କୁ ଆଶ୍ବସ୍ତି ପ୍ରଦାନ କରିଛି । ଛାଡପତ୍ରର ଗୁଜବ ମଧ୍ୟରେ, ଗୋବିନ୍ଦା ଏବଂ ସୁନୀତା ପୁଣିଥରେ ସମସ୍ତ କଳ୍ପନାଜଳ୍ପନାର ଅନ୍ତ ଘଟାଇଛନ୍ତି। ପୂର୍ବରୁ ସୁନୀତା କହିଥିଲେ ଯେ ଭଗବାନ ମଧ୍ୟ ତାଙ୍କଠାରୁ ଗୋବିନ୍ଦାଙ୍କୁ ଅଲଗା କରିପାରିବେ ନାହିଁ । ଯାହା ପୁଣିଥରେ ପ୍ରମାଣିତ ହୋଇଛି ।

ଭାଇରାଲ ଭିଡିଓରେ, ଗୋବିନ୍ଦା ଏକ କ୍ରିମ୍ ରଙ୍ଗର କୁର୍ତ୍ତା ପାଇଜାମା ପିନ୍ଧିଛନ୍ତି ଏବଂ ସୁନୀତା ଲାଲ ଏବଂ କ୍ରିମ୍ ରଙ୍ଗର ଡ୍ରେସରେ ଦେଖାଯାଉଛନ୍ତି । ଗୋବିନ୍ଦା ଏବଂ ସୁନୀତାଙ୍କ ପିଲାମାନେ ମଧ୍ୟ ଏଠାରେ ଦେଖାଯାଉଛି। ଗୋବିନ୍ଦାଙ୍କ ପୁଅ ହର୍ଷବର୍ଦ୍ଧନ ବପ୍ପାଙ୍କୁ କୋଳରେ ନେଇ ଗାଡ଼ିରେ ବୁଡ଼ାଇବାକୁ ଯାଉଛନ୍ତି। ଏଠାରେ, ଗୋବିନ୍ଦା ଏବଂ ସୁନୀତା ବପ୍ପାଙ୍କ ବିଦାୟରେ ପ୍ରବଳ ନାଚୁଥିବାର ଦେଖାଯାଉଛି। ଗୋବିନ୍ଦା ଏବଂ ସୁନୀତାର ଏହି ଭିଡିଓ ସ୍ପଷ୍ଟ ଭାବରେ ଦର୍ଶାଉଛି ଯେ ଦମ୍ପତିଙ୍କ ମଧ୍ୟରେ ସବୁକିଛି ଠିକ୍ ଅଛି। ଦମ୍ପତିଙ୍କ ପ୍ରଶଂସକମାନେ ମଧ୍ୟ ଏହି ଭିଡିଓରେ ମନ୍ତବ୍ୟ ଦେଉଛନ୍ତି।

ବପ୍ପାଙ୍କ ବିଦାୟରେ ଗୋବିନ୍ଦା ଏବଂ ସୁନୀତାଙ୍କ ଡ୍ୟାନ୍ସ ଉପରେ, ଜଣେ ପ୍ରଶଂସକ ଲେଖିଛନ୍ତି, ଲୋକମାନେ ବିନା କାରଣରେ ସେମାନଙ୍କ ଛାଡପତ୍ରର ମିଥ୍ୟା ଖବର ପ୍ରସାର କରୁଛନ୍ତି । ଅନ୍ୟ ଜଣେ ବ୍ୟବହାରକାରୀ ଲେଖିଛନ୍ତି, କି ଏକ ସୁନ୍ଦର ଦମ୍ପତି । ତୃତୀୟ ପ୍ରଶଂସକ ଲେଖିଛନ୍ତି, ମୁଁ ଜାଣିନାହିଁ ଯେ କାହା ବିଷୟରେ ମିଥ୍ୟା ଖବର ପ୍ରସାରଣ କରି ଲୋକମାନେ କ’ଣ ପାଆନ୍ତି ।

ତେବେ କହିରଖୁଛୁ, ବିଗତ କିଛି ଦିନ ଧରି ଗୋବିନ୍ଦା ଏବଂ ସୁନୀତାଙ୍କ ବିଷୟରେ କୁହାଯାଉଥିଲା ଯେ ସେମାନେ ଛାଡପତ୍ର ନେବାକୁ ଯାଉଛନ୍ତି, ଯଦିଓ ଗୋବିନ୍ଦାଙ୍କ ଓକିଲ ଏପରି ସମସ୍ତ ଖବରକୁ ମିଥ୍ୟା କହିଛନ୍ତି। ଗୋବିନ୍ଦା ଏବଂ ସୁନୀତା ୩୮ ବର୍ଷ ଧରି ବିବାହ ବନ୍ଧନରେ ବାନ୍ଧି ହୋଇ ରହିଛନ୍ତି । ଏହି ଦମ୍ପତି ୧୯୮୭ ମସିହାରେ ବିବାହ କରିଥିଲେ ଏବଂ ସେମାନଙ୍କର ଦୁଇଟି ସନ୍ତାନ ମଧ୍ୟ ଅଛି।