ଭୁବନେଶ୍ୱର : ଓଡିଶାରେ କରୋନା ପଜିଟିଭଙ୍କ ସଂଖ୍ୟା ୨୭୧ ନୁହେଁ ୨୭୦ । ଏ ନେଇ ଆଜି ସରକାର ସ୍ପଷ୍ଟ କରିଛନ୍ତି ।
ଆଜି ଅପରାହ୍ନରେ ୨୫ ଜଣ କରୋନା ପଜିଟିଭ୍ ରୋଗୀ ଚିହ୍ନଟ ହୋଇଥିଲେ । ସେଥିରୁ ୨୪ ଜଣ ଗଂଜାମର ହୋଇଥିବା ବେଳେ ଅନ୍ୟ ଜଣେ ଭୁବନେଶ୍ୱରର ବୋଲି ଦର୍ଶାଯାଇଥିଲା । ଏହାକୁ ମିଶାଇ ମୋଟ ଆକ୍ରନ୍ତଙ୍କ ସଂଖ୍ୟା ୨୭୧ ହୋଇଥିଲା ବୋଲି ସରକାରଙ୍କ ପକ୍ଷରୁ ସୂଚନା ଦିଆଯାଇଥିଲା ।
ଏହାର କିଛି ସମୟ ପରେ ଏହା ୨୭୧ ନୁହେଁ ବରଂ ୨୭୦ ବୋଲି ସରକାରଙ୍କ ପକ୍ଷରୁ ସ୍ପଷ୍ଟ କରାଯାଇଥିଲା । ୨୭୧ ନମ୍ବର ବ୍ୟକ୍ତି ଜଣଙ୍କ ଓଡିଶାର ନୁହେଁ ବରଂ ମହାରାଷ୍ଟ୍ରର ବୋଲି କୁହାଯାଇଛି ।
5th Health Update, 8th May
One positive case
42 yr Male, MumbaiHe is a Truck driver of Mumbai. Met with a road accident in Odisha. Admitted in AIIMS, BBSR and Tested Positive. This case will be counted in the State of Maharastra.
Total Positive Case: 270
— I & PR Department, Odisha (@IPR_Odisha) May 8, 2020
ତେବେ ସେହି ବ୍ୟକ୍ତି ଜଣଙ୍କ ଜଣେ ଟ୍ରକ ଡ୍ରାଇଭର ଓ ସେ ମୁମ୍ବାଇରୁ ଟ୍ରକ ନେଇ ଭୁବନେଶ୍ୱର ଆସିଥିଲେ । ରାଜଧାନୀରେ ତାଙ୍କ ଟ୍ରକ ଦୁର୍ଘଟଣାଗ୍ରସ୍ତ ହେବାରୁ ତାକୁ ଚିକିତ୍ସା ଏମ୍ସରେ ଭର୍ତ୍ତି କରାଯାଇଥିବା ବେଳେ ତାଙ୍କ ସ୍ୱାବ ନମୁନା ପଜିଟିଭ ଆସିଥିଲା । ତେବେ ଏହି ବ୍ୟକ୍ତି ମୁମ୍ବାଇର ହୋଇଥିବାରୁ ତାଙ୍କୁ ଓଡିଶାର ବୋଲି ଧରାଯିବ ନାହିଁ ବୋଲି ସରକାରଙ୍କ ପକ୍ଷରୁ କୁହାଯାଇଛି ।
ତେଣୁ ସରକାରଙ୍କ ସୂଚନାରୁ ରାଜ୍ୟରେ ମୋଟ ଆକ୍ରାନ୍ତଙ୍କ ସଂଖ୍ୟା ୨୭୦ ରହିଛି ।