ବିରଳ ହାର୍ଟ ଟ୍ରାନ୍ସପ୍ଲାଣ୍ଟ; ମାତ୍ର ୧୭ ମିନିଟ୍ରେ ୧୮ କିଲୋମିଟର ଦୂର ଅତିକ୍ରମ କରି କରାଗଲା ଏହି ଅସ୍ତ୍ରୋପଚାର
ନୂଆଦିଲ୍ଲୀ: ଉତ୍ସବର ଋତୁ ଏବଂ କରୋନା ସଂକ୍ରମଣ ମଧ୍ୟରେ ଜୟପୁରର ଜଣେ ୧୬ ବର୍ଷ ବୟସ୍କ ବ୍ରେନ୍ ଡେଡ୍ ଥିବା ଯୁବକଙ୍କୁ ସ୍ୱତନ୍ତ୍ର ବିମାନ ଯୋଗେ ଦିଲ୍ଲୀ ଅଣାଯାଇଥିଲା। ଏହା ପରେ ତାଙ୍କୁ ୧୮ କିଲୋମିଟର ସବୁଜ କରିଡର ଦେଇ ମାତ୍ର ୧୭ ମିନିଟରେ ଟ୍ରାନ୍ସପ୍ଲାଣ୍ଟ ସର୍ଜରୀ ପାଇଁ ତାଙ୍କୁ ଏକ ଘରୋଇ ଡାକ୍ତରଖାନାକୁ ପଠାଯାଇଥିଲା।
ହସ୍ପିଟାଲର ଅଧିକାରୀମାନେ କହିଛନ୍ତି ଯେ, ହୃଦୟ ଟ୍ରାନ୍ସପ୍ଲାଣ୍ଟ ହୋଇଥିବା ବ୍ୟକ୍ତି ହେଉଛନ୍ତି ମିରଟ ବାସିନ୍ଦା। ତାଙ୍କ ବୟସ ୪୫ ବର୍ଷ। ଯିଏକି ଦକ୍ଷିଣ ଦିଲ୍ଲୀର ମ୍ୟାକ୍ସ ହସ୍ପିଟାଲରେ ଭର୍ତ୍ତି ହୋଇଥିବାବେଳେ ଜୟପୁରର ଜଣେ ୧୬ ବର୍ଷୀୟ ଯୁବକ ସଡ଼କ ଦୁର୍ଘଟଣାର ଶିକାର ହୋଇଥିଲେ। ଏହି ଦୁର୍ଘଟଣାରେ ସେ ଗୁରୁତର ଆହତ ହୋଇଥିଲେ। କିଛି ସମୟ ପରେ ମ୍ୟାକ୍ସ ହସ୍ପିଟାଲର ଏକ ଟିମ୍ ସ୍ୱତନ୍ତ୍ର ବିମାନ ଯୋଗେ ଜୟପୁରରେ ପହଞ୍ଚିଥିଲେ।
ଚାର୍ଟାର୍ଡ ବିମାନ ଦ୍ୱାରା ହାର୍ଟକୁ ଦିଲ୍ଲୀ ଅଣାଯାଇଥିଲା। ବୁଧବାର ସନ୍ଧ୍ୟା ୭.୫୦ରେ ଏହାକୁ ଦିଲ୍ଲୀ ବିମାନବନ୍ଦରର ଟର୍ମିନାଲ୍ ୩କୁ ଅଣାଯାଇଥିଲା। ଡାକ୍ତରଖାନାର ମୁଖପାତ୍ର କହିଛନ୍ତି ଯେ ଉତ୍ସବ ସମୟରେ ପ୍ରବଳ ଯାତାୟାତ ହେତୁ ଅଙ୍ଗକୁ ଡାକ୍ତରଖାନା ନେବା ପାଇଁ ସବୁଜ କରିଡର ନିର୍ମାଣ କରାଯାଇଥିଲା। ସେ କହିଛନ୍ତି ଯେ ବିମାନବନ୍ଦରରେ ଅପେକ୍ଷା କରିଥିବା ଏକ ହସ୍ପିଟାଲ ଆମ୍ବୁଲାନ୍ସ ମାତ୍ର ୧୭ ମିନିଟରେ ୧୮.୩ କିଲୋମିଟର ସବୁଜ କରିଡର ଦେଇ ହୃଦୟକୁ ପରିବହନ କରିଥିଲା।
Comments are closed.