ଭୁବନେଶ୍ୱର: ରାଜ୍ୟରେ କରୋନା ଯୋଗୁଁ ଜାରି ହୋଇଥିବା ଲକଡାଉନ୍ ପାଠପଢାରେ ବଡ ସମସ୍ୟା ସୃଷ୍ଟି କରିଛି । ତେବେ ଛାତ୍ରଛାତ୍ରୀ ଏହି ସମସ୍ୟାକୁ ସୁଯୋଗରେ ପରିଣତ କରନ୍ତୁ ବୋଲି ଉଚ୍ଚଶିକ୍ଷା ମନ୍ତ୍ରୀ ଅରୁଣ ସାହୁ ଅନୁରୋଧ କରିଛନ୍ତି । ସେ କହିଛନ୍ତି, ଲକଡାଉନ୍ ସରିବା ପରେ ଜୁନ୍ ୧୭ ପରେ ଯେ କୌଣସି ସମୟରେ ପରୀକ୍ଷା କରିବାକୁ ସରକାର ପ୍ରସ୍ତୁତ ଅଛନ୍ତି । ତେଣୁ ଛାତ୍ରଛାତ୍ରୀଙ୍କୁ ଅନୁରୋଧ ସେମାନେ ପାଠପଢାରେ ମନ ଦିଅନ୍ତୁ ।
ୟୁଜିସି ଜାରି କରିଥିବା ଗାଇଡଲାଇନ୍ ଉପରେ ପ୍ରତିକ୍ରିୟା ରଖି ମନ୍ତ୍ରୀ କହିଛନ୍ତି, ଏହାକୁ ରାଜ୍ୟ ଉଚ୍ଚଶିକ୍ଷା ବିଭାଗ ତର୍ଜମା କରିିବ । ଓଡିଶା ପାଇଁ ଯାହା ଠିକ୍ ହେବ ସେ ଅନୁସାରେ ବିଭାଗ ପଦକ୍ଷେପ ନେବ । ଉଚ୍ଚସ୍ତରୀୟ ବୈଠକରେ ପରବର୍ତୀ ନିଷ୍ପତି ନିଆ ଯିବ ବୋଲି ଉଚ୍ଚଶିକ୍ଷା ମନ୍ତ୍ରୀ ଅରୁଣ ସାହୁ ସୂଚନା ଦେଇଛନ୍ତି ।
