ଝାରସୁଗୁଡା: ବିଶ୍ୱର ସର୍ବବୃହତ ଆଲୁମିନିୟମ ରୋଲିଂ ଆଣ୍ଡ୍ ରିସାଇକ୍ଲିଂ କମ୍ପାନି ହିଣ୍ଡାଲ୍କୋ ଦୁଇଟି ନୂଆ ପ୍ରକଳ୍ପ ସହ ଓଡ଼ିଶାରେ ନିଜର ଉପସ୍ଥିତି ଆହୁରି ଦୃଢ କରିବାକୁ ଯୋଜନା ଘୋଷଣା କରିଛି। ୨୫ ହଜାର ଟନ୍ ଉଚ୍ଚମାନର ଆଲୁମିନିୟମ ତିଆରି ପାଇଁ ପ୍ରାରମ୍ଭିକ କ୍ଷମତା ବିଶିଷ୍ଟ ଏହି କାରଖାନାକୁ ରାଜ୍ୟ ସିଙ୍ଗଲ ୱିଣ୍ଡୋ କ୍ଲିୟରାନ୍ସ କର୍ତ୍ତୃପକ୍ଷଙ୍କ ଅନୁମୋଦନ ମିଳିଛି।
ସମ୍ବଲପୁର ଜିଲ୍ଲା ଲପଙ୍ଗାଠାରେ ବ୍ୟାଟେରୀ ଉତ୍ପାଦନ କାରଖାନା ପ୍ରତିଷ୍ଠା ପାଇଁ କମ୍ପାନୀ ୮୦୩ କୋଟି ଟଙ୍କା ବିନିଯୋଗ କରିବ। ଯାହା ଇଲେକ୍ଟ୍ରିକ୍ ଯାନ ଏବଂ ଶକ୍ତି ସଂରକ୍ଷଣ ବ୍ୟବସ୍ଥାର ବଢୁଥିବା ଚାହିଦାକୁ ପୂରଣ କରିବ। ଏହି କାରଖାନାରୁ ବାର୍ଷିକ ୩୦ ହଜାର ଟନ୍ ଧଳା ଆଲୁମିନା ଉତ୍ପାଦନ ହେବ।
ଆଦିତ୍ୟ ବିର୍ଲା ଗ୍ରୁପର ଏକ ଅଂଶ ହିଣ୍ଡାଲକୋ ଗତ ୧୫ ବର୍ଷ ମଧ୍ୟରେ ଓଡ଼ିଶାରେ ୨୫ ହଜାର କୋଟି ଟଙ୍କାରୁ ଅଧିକ ନିବେଶ କରିସାରିଛି। ଏବଂ ଖଣିଠାରୁ ଆରମ୍ଭ କରି ବିଭିନ୍ନ ଉତ୍ପାଦ ପର୍ଯ୍ୟନ୍ତ ଏହା ରାଜ୍ୟର ଏକମାତ୍ର ସମ୍ପୂର୍ଣ୍ଣ ସମନ୍ୱିତ ଆଲୁମିନିୟମ ଉତ୍ପାଦନକାରୀ ହୋଇପାରିଛି।