ହିନ୍ଦୀ ଶିକ୍ଷକଙ୍କ ଘରେ ମଦ ଫ୍ୟାକ୍ଟ୍ରି

ବ୍ରହ୍ମପୁର:ପେଶାରେ ହିନ୍ଦୀ ଶିକ୍ଷକ। ହେଲା ଘରେ କରିଥିଲେ ଦେଶୀ ମଦ ଫ୍ୟାକ୍ଟ୍ରି। ଦୀର୍ଘ 15 ବର୍ଷ ଧରି ଏହି ବ୍ୟବସାୟ କରି ପୋଲିସ ଓ ଅବକାରି ବିଭାଗର ଅଧିକାରୀମାନେ ସୁରାକ୍ ପାଉନଥିଲେ।ଶେଷରେ ଅବକାରୀ ଗୁଇନ୍ଦା ବିଭାଗ ଏଏସଆଇ ସୁରେନ୍ଦ୍ର ପ୍ରଧାନ ଓ ତାଙ୍କ ଟିମ ଶନିବାର ମଦ ବିକ୍ରି କରୁଥିବା ସମୟରେ ଚଢ଼ାଉ କରି ଗିରଫ କରିଛନ୍ତି। ହିନ୍ଦୀ ଶିକ୍ଷକଙ୍କ ନିକଟରୁ ପ୍ରାୟ ୧୦୦ ଲିଟର ଦେଶୀ ମଦ ଜବତ ହୋଇଛି। ବ୍ରହ୍ମପୁର ସଦରଥାନା ଅନ୍ତର୍ଗତ କୁକୁଡାଖଣ୍ଡି ନିକଟ ବଳରାମପଲ୍ଲୀ ଗ୍ରାମରେ ଏହି ଚଢ଼ାଉ ହୋଇଛି। ଶିକ୍ଷକ ଜଣକ ସତପାଣ୍ଡିଆ ହାଇସ୍କୁଲରେ ହିନ୍ଦୀ ଶିକ୍ଷକ ଥିବା ଅବକାରୀ ଗୁଇନ୍ଦା ବିଭାଗ ସୂତ୍ରରୁ ପ୍ରକାଶ। ଶିକ୍ଷକ ଜଣକ ତାଙ୍କ ଘରେ ହିଁ ନକଲି ଦେଶୀ ମଦ ପାଉଚ କାରଖାନା କରିଥିଲେ। ବିନା ଲୋଗରେ ଖାଲି ଜରି ପ୍ୟାକେଟରେ ଗ୍ରାହକଙ୍କୁ ବିକ୍ରି କରୁଥିଲେ।