ଭୁବନେଶ୍ଵର: ବଡ ଧରଣର ଫିସିଂ ସ୍କାମର ଶିକାର ହୋଇଛି ମେଟାର ସୋସିଆଲ୍ ନେଟୱାର୍କିଂ ପ୍ଲାଟଫର୍ମ ଇନଷ୍ଟାଗ୍ରାମ । ଏହି ପ୍ଲାଟଫର୍ମରେ, ପ୍ରଥମେ ଲୋକଙ୍କୁ ପ୍ରଲୋଭିତ କରି ସମ୍ବେଦନଶୀଳ ସୂଚନା ଚୋରି କରିବା ପରେ ଆରମ୍ଭ ହୁଏ ଠକେଇ ଅଭିଯାନ । କହିରଖୁଛୁ ଯେ, ବର୍ତ୍ତମାନ ଇନଷ୍ଟାଗ୍ରାମରେ ବଡଧରଣର ଠକେଇ ଚାଲିଛି । ଏଥିରୁ ସୁରକ୍ଷିତ ରହିବା ପାଇଁ ହେଲେ ଇନଷ୍ଟାଗ୍ରାମ ଉପଭୋକ୍ତାମାନଙ୍କୁ କିଛି ଗୁରୁତ୍ଵପୂର୍ଣ୍ଣ କଥା ଉପରେ ନଜର ରଖିବାକୁ ପଡିବ ।
ଇନଷ୍ଟାଗ୍ରାମରେ ସାଇବର ଠକମାନେ ପ୍ରଥମେ ଲୋକଙ୍କୁ ମାଗଣା ଆଇଟମ୍, ଉପହାର କିମ୍ବା ଆକାଉଣ୍ଟ ଯାଞ୍ଚ ନାମରେ ଏକ ଲିଙ୍କରେ କ୍ଲିକ୍ କରିବାକୁ ପ୍ରଲୋଭିତ କରନ୍ତି । ଯେତେବେଳେ ଉପଭୋକ୍ତା ସେହି ଲିଙ୍କ ଉପରେ କ୍ଲିକ୍ କରନ୍ତି ସେତେବେଳେ ଉପଭୋକ୍ତାଙ୍କ ଫୋନରେ ଥିବା ସମସ୍ତ ତଥ୍ୟ ଠକଙ୍କ ହାତରେ ଲାଗିଯାଏ । ଏପରି ପରିସ୍ଥିତିରେ, ଆପଣ ସେହି ଲିଙ୍କଗୁଡିକ ଉପରେ କ୍ଲିକ୍ କରିବା ଠାରୁ ଦୂରେଇ ରୁହନ୍ତୁ । ଯଦି ଜଣେ ଅଜ୍ଞାତ ବ୍ୟକ୍ତି ଆପଣଙ୍କୁ କୌଣସି ମେସେଜ ପଠାନ୍ତି, ତେବେ ସର୍ବପ୍ରଥମେ ଆପଣ ସେମାନଙ୍କର ପ୍ରୋଫାଇଲ୍ ଯାଞ୍ଚ କରିବା ଉଚିତ୍ । ଯଦି ଉକ୍ତ ମେସେଜଟି କୌଣସି ଭୁଲ୍ ମନେହୁଏ ତେବେ ସେହି ସନ୍ଦେଶର ଉତ୍ତର ଦେବା ଠାରୁ ନିଜକୁ ଦୂରେଇ ରଖନ୍ତୁ ଏବଂ ତୁରନ୍ତ ଏନେଇ ସାଇବର ଥାନାର ଦ୍ଵାରସ୍ତ ହୁଅନ୍ତୁ । କୌଣସି ଅଜ୍ଞାତ ଲୋକଙ୍କୁ ନିଜର ପାସୱାର୍ଡ, କ୍ରେଡିଟ କାର୍ଡ, ଓଟିପି ଆଦି ସେୟାର କରନ୍ତୁ ନାହିଁ ।
ଫିସିଂ ହେଉଛି ଭୁଲ ତଥ୍ୟ ମାଧ୍ୟମରେ ସୂଚନା ପ୍ରାପ୍ତ କରିବା ପାଇଁ ସୋଶିଆଲ୍ ଇଞ୍ଜିନିୟରିଂ ଆକ୍ରମଣର ଏକ ରୂପ। ଫିସିଂ ଆକ୍ରମଣରେ ଠକମାନେ ଇ-ମେଲ୍ ସୃଷ୍ଟି କରନ୍ତି ଯାହା ଦେଖିବାକୁ ଏପରି ଲାଗିଥାଏ ଯେ ଯେପରି ଏହା ଏକ ବୈଧ ସଂସ୍ଥା (ଯେପରିକି ବ୍ୟାଙ୍କ, ପ୍ରତିଷ୍ଠିତ ସଂସ୍ଥା, କମ୍ପାନୀ ଇତ୍ୟାଦି)ରୁ ଆସିଛି, ଯେଉଁଥିରେ ନକଲି ୱେବସାଇଟ୍ ସହିତ ଲିଙ୍କ ରହିଥାଏ ଯାହା ବାସ୍ତବିକ ୱେବସାଇଟ୍ର ନକଲ କରିଥାଏ କିମ୍ବା ଏଥିରେ ଦୁର୍ଭାବନାପୂର୍ଣ୍ଣ ଆଟାଚମେଣ୍ଟ ରହିଥାଇପାରେ। ଏଥିମଧ୍ୟରୁ ଅଧିକାଂଶ ଫିସିଂ ଇମେଲଗୁଡିକ ସମ୍ବେଦନଶୀଳ ସୂଚନା ପରିପ୍ରକାଶ କରିବା ଏବଂ ଠକ ଯାହା ଚାହୁଁଛନ୍ତି ତାହା କରିବା ପାଇଁ ଟାର୍ଗେଟ୍କୁ ପ୍ରବର୍ତ୍ତାଇବା ପାଇଁ ବନାଯାଇଥାଏ।