Hindu man lynched in Bangladesh: ପୋଲିସ ହେପାଜତରେ ଥିବା ହିନ୍ଦୁ ଯୁବକଙ୍କୁ କିପରି କରାଗଲା ହତ୍ୟା, ଉଠୁଛି ପ୍ରଶ୍ନ…

ନୂଆଦିଲ୍ଲୀ: ଛାତ୍ର ନେତା ଉସମାନ ହାଦିଙ୍କ ମୃତ୍ୟୁ ପରେ ଜଳୁଛି ବାଂଲାଦେଶ । ସ୍ଥିତି ଦିନକୁ ଦିନ ଖରାପ ହୋଇଛି । ତେବେ ବାଂଲାଦେଶର ମୈମନସିଂ ଜିଲ୍ଲାରେ ଜଣେ ହିନ୍ଦୁ ଯୁବକଙ୍କୁ  ପିଟି ପିଟି ହତ୍ୟା କରାଯାଇଛି । ଉକ୍ତ ବ୍ୟକ୍ତିଙ୍କ ନାମ ଦୀପୁ ଚନ୍ଦ୍ର ଦାସ। ଏହି ଉତ୍ତେଜନାପୂର୍ଣ୍ଣ ହତ୍ୟାକାଣ୍ଡ ଏବଂ ମୃତଦେହ ପୋଡ଼ି ଦେବା ମାମଲାକୁ ଏବେ ଏକ ପ୍ରହସନ ଭାବରେ ବିବେଚନା କରାଯାଉଛି। ରାପିଡ୍ ଆକ୍ସନ୍ ବାଟାଲିଅନ୍ (RAB) ଏହି ଚାଞ୍ଚଲ୍ୟକର ହତ୍ୟାକାଣ୍ଡ ସହିତ ଜଡିତ ସାତ ଜଣଙ୍କୁ ଗିରଫ କରିଛି। ଏହି ଗିରଫଦାରୀ ଏପରି ଏକ ସମୟରେ ହୋଇଛି ଯେତେବେଳେ ଦେଶରେ ସଂଖ୍ୟାଲଘୁଙ୍କ ସୁରକ୍ଷାକୁ ନେଇ ଗମ୍ଭୀର ପ୍ରଶ୍ନ ଉଠାଯାଉଛି। ଆମନେଷ୍ଟି ଇଣ୍ଟରନ୍ୟାସନାଲ୍ ବାଂଲାଦେଶରେ ହିଂସାକୁ ନିନ୍ଦା କରିଛି ଏବଂ ୟୁନୁସ୍ ସରକାରଙ୍କୁ ତଦନ୍ତ କରିବାକୁ ଆହ୍ୱାନ କରିଛି।

ଏହି ଗିରଫଦାରୀଗୁଡ଼ିକୁ ୟୁନୁସ୍ ସରକାର ଏକ ପ୍ରହସନ ବୋଲି ବିବେଚନା କରୁଛି। କାରଣ ଏହା ଏବେ ସ୍ପଷ୍ଟ ହୋଇଯାଉଛି ଯେ ଭିଡ଼ ଦ୍ୱାରା ହତ୍ୟା କରାଯାଇଥିବା ବ୍ୟକ୍ତି ପୂର୍ବରୁ ପୋଲିସ ହେପାଜତରେ ଥିଲେ, ଅର୍ଥାତ୍ ପୋଲିସ ତାଙ୍କୁ ଭିଡ଼ ହାତରେ ମରିବାକୁ ଛାଡି ଦେଇଥିଲା। ଏହା ବ୍ୟତୀତ, ଭାରତ ବିରୁଦ୍ଧରେ ବିଷ ଓଗାଳିଥିବା ଓସ୍ମାନ ହାଦିଙ୍କ ମୃତ୍ୟୁ ପାଇଁ ଜାତୀୟ ଶୋକ ଦିବସ ପାଳନ କରାଯାଇଥିଲା। କିନ୍ତୁ, ଯେତେବେଳେ ମିଥ୍ୟା ଅଭିଯୋଗରେ ଜଣେ ହିନ୍ଦୁଙ୍କୁ ଭିଡ଼ ଦ୍ୱାରା ହତ୍ୟା କରାଯାଇଥିଲା, ମୌଳବାଦୀମାନେ ଚୁପ୍ ହୋଇଯାଇଥିଲେ।

ଏହି ମାମଲା ଆହୁରି ଅଧିକ ତେଜିଛି କାରଣ   ପ୍ରସିଦ୍ଧ ଲେଖିକା ତସଲିମା ନସରିନ ସୋସିଆଲ ମିଡିଆ ପ୍ଲାଟଫର୍ମ X ରେ ଏକ କଟୁ ପୋଷ୍ଟ ପୋଷ୍ଟ କରି ଲେଖିଛନ୍ତି।  ଯେ ୟୁନୁସ ସରକାରଙ୍କ ପୋଲିସ ଦୀପୁ ଚନ୍ଦ୍ର ଦାସଙ୍କୁ ମରିବାକୁ ଛାଡି ଦେଇଛି କି? ତସଲିମାଙ୍କ ଅନୁଯାୟୀ, ଦୀପୁ ଜଣେ ଗରିବ ଶ୍ରମିକ ଥିଲେ ଏବଂ ଜଣେ କାରଖାନା ସହକର୍ମୀଙ୍କ ସହ ସାମାନ୍ୟ ଝଗଡ଼ା ପରେ, ତାଙ୍କୁ ପୟଗମ୍ବରଙ୍କ ବିରୁଦ୍ଧରେ ମନ୍ତବ୍ୟ ଦେବାର ମିଥ୍ୟା ଅଭିଯୋଗ କରାଯାଇଥିଲା। ସେ ଦୀପୁଙ୍କୁ ଜେଲ ପଛରେ ଥିବାର ଏକ ଭିଡିଓ ମଧ୍ୟ ସେୟାର କରିଥିଲେ, ଯାହା ସୂଚାଇ ଦେଇଥିଲା ଯେ ସେ ପୋଲିସ ହେପାଜତରେ ଅଛନ୍ତି। ତେବେ ପୋଲିସ ହେପାଜତରେ ଥିବା ଦିପୁଙ୍କୁ ହତ୍ୟା କିପରି କରାଗଲା  ଏହା ପଛରେ ପୋଲିସର ହାତ ଅଛି ବୋଲି ସନ୍ଦେହ ସୃଷ୍ଟି ହେଉଛି ।  ଏବେ ପ୍ରଶ୍ନ ହେଉଛି ତାଙ୍କ ପରିବାରର କ’ଣ ହେବ ଏବଂ ସେମାନଙ୍କୁ କିଏ ନ୍ୟାୟ ପ୍ରଦାନ କରିବ।