ବ୍ରିଟେନ: ଜଳାଶୟ ଭିତରେ ଅନେକ ପ୍ରକାରର ପ୍ରଜାତିର ଜଳଚର ଜୀବଜନ୍ତୁ ଅଛନ୍ତି, ସେମାନଙ୍କ ମଧ୍ୟରୁ ଅଧାରୁ ଅଧିକ ଜୀବଜନ୍ତୁକୁ କେହି ଜାଣନ୍ତି ନାହିଁ । ବେଳେବେଳେ ଭୁଲରେ ଏହି ଜୀବମାନେ ମଣିଷ ସାମ୍ନାକୁ ଆସିଥାନ୍ତି,ଯାହାକୁ ଦେଖି ଲୋକେ ଆଶ୍ଚର୍ଯ୍ୟ ହୋଇଯାଆନ୍ତି । ସେହିଭଳି ବ୍ରିଟେନର ଜଣେ ବ୍ୟକ୍ତିଙ୍କ ଜାଲରେ ଏମିତି ଏକ ମାଛ ଫସି ଯାଇଥିଲା ଯାହାକୁ ଦେଖି ଲୋକେ ବିଶ୍ୱାସ କରିବା କଷ୍ଟକର ହୋଇପଡ଼ିଲା ।
ଏମିତି ମାଛ ଦେଖିବାକୁ ମିଳିଛି ଫ୍ରାନ୍ସର ବ୍ଲୁ ୱାଟର ହ୍ରଦରେ । ବ୍ରିଟେନର ଆଣ୍ଡି ନାମକ ଜଣେ ବ୍ୟକ୍ତି ବ୍ଲୁ ୱାଟର ହ୍ରଦ ନିକଟକୁ ଛୁଟି କାଟିବାକୁ ଯାଇଥିଲେ । ସେ ଜାଲ ଧରି ମଜାରେ ଏହି ହ୍ରଦକୁ ମାଛ ଧରିବାକୁ ଯାଇଥିଲେ । ସେଠାରେ ଜାଲ ପକାଇବାର କିଛି ସମୟ ପରେ ହଠାତ୍ ତାଙ୍କ ଜାଲ ଓଜନ ହେବାକୁ ଲାଗିଲା । ଜାଲରେ କ’ଣ ଗୋଟେ ଫସି ଯାଇଛି ଭାବି ଜାଲ ଟାଣିବାକୁ ଲାଗିଲେ । ହେଲେ ଜାଲ ଉପରକୁ ଆଣିବା ତାଙ୍କ ପାଇଁ କଷ୍ଟକର ହୋଇପଡ଼ିଲା । ତେଣୁ ପାଖରେ ଥିବା କିଛି ଲୋକଙ୍କୁ ସାହାଯ୍ୟ ପାଇଁ ଡ଼ାକିଥିଲେ । ଦୀର୍ଘ ଅଧଘଣ୍ଟ ଅକ୍ଳାନ୍ତ ପରିଶ୍ରମ କରିବା ପରେ ଜାଲ ଉପରକୁ ଆଣିବା ପରେ ଯାହା ଦେଖିଲେ ସମସ୍ତେ ଆଶ୍ଚର୍ଯ୍ୟ ହୋଇଗଲେ । ଜାଲରେ ବିରାଟକାୟ ଏକ ମାଛ ଫସିଯାଇଥିଲା ।
ଆଣ୍ଡି କହିଛନ୍ତି ଯେ, ସେ କୋଡିଏ ବର୍ଷ ଧରି ମାଛ ଧରୁଛନ୍ତି । ମାଛ ଧରିବାରେ ତାଙ୍କର ଅନେକ ଅଭିଜ୍ଞତା ଅଛି, କିନ୍ତୁ ଏଥର ସେ ଏହିପରି କିଛି ଆଶା କରି ନ ଥିଲେ । ଯେତେବେଳେ ସେ ଜାଲ ଟାଣିବାରେ ଅସୁବିଧାର ସମ୍ମୁଖୀନ ହେଲେ, ସେତେବେଳେ ସେ ଜାଣିଯାଇଥିଲେ ଯେ କିଛି ବଡ ମାଛ ଜାଲରେ ଫସି ରହିଛନ୍ତି । କିନ୍ତୁ ସେ ଏତେ ବଡ ହେବ ବୋଲି ଭାବି ନ ଥିଲେ । ହ୍ରଦର ମତ୍ସ୍ୟ ପରିଚାଳକ ଆଣ୍ଡିଙ୍କୁ ଧନ୍ୟବାଦ ଦେବା ସହ ଏପରି ମାଛ ପ୍ରାୟ ଦେଖିବାକୁ ମିଳନ୍ତି ନାହିଁ ବୋଲି କହିଛନ୍ତି ।
Comments are closed.