ଭୁବନେଶ୍ୱର: ବନ୍ଧାହେଲେ ଇଡ୍କୋ ଜୁନିୟର ମ୍ୟାନେଜର ବିଜୟ କୁମାର ଉଦୟସିଂହ l ଗତକାଲି ଚଢ଼ାଉ ବେଳେ ବିଜୟ କୁମାର ଉଦୟସିଂହଙ୍କ ଘରୁ ଆଖି ଖୋସା ସମ୍ପତ୍ତି ଠାବ କରିଛି ଭିଜିଲାନ୍ସ l ବିଳାସପୂର୍ଣ୍ଣ ୪ ମହଲା ବିଶିଷ୍ଟ ଘର, ତା’ ଭିତରେ ପୁଣି ଅତ୍ୟାଧୁନିକ ଓ ଦାମୀ ଆସବାବପତ୍ର l କୋଟି କୋଟି ଟଙ୍କାରେ ଘର ତିଆରି ହୋଇଥିବା ବେଳେ ଘରେ ଲାଗିଛି ସେଣ୍ଟ୍ରାଲ ଗିଜର, ଅତ୍ୟାଧୁନିକ ୱାଟର ପ୍ୟୁରିଫାୟର , ରିମୋଟ୍ କଣ୍ଟ୍ରୋଲ ଗେଟ୍, ସେନ୍ସର ଡୋର । ସେହିଭଳି ଘରୁ ନଗଦ ସାଢେ ୪ ଲକ୍ଷ ଟଙ୍କା ମିଳିଥିବା ବେଳେ ବିଜୟଙ୍କ ବ୍ୟାଙ୍କ ଜମା ଓ ବୀମା ୫୫ ଲକ୍ଷ ୧୦ ହଜାର ଟଙ୍କା ଠାବ କରିଛି ଭିଜିଲାନ୍ସ l
ଭୁବନେଶ୍ୱରରେ ୩ କୋଟି ୨୨ ଲକ୍ଷ ଟଙ୍କାର ଚାରି ମହଲା ଘର ରହିଥିବା ବେଳେ ପୁରୀ ବାଲୁଖଣ୍ଡ ମୌଜାରେ ରହିଛି ଗୋଟେ ଫ୍ଲାଟ । ସେହିପରି ଭୁବନେଶ୍ୱରର ପ୍ରାଇମ ଲୋକେସନରେ ଦୁଇଟି ପ୍ଲାଟ୍ ରହିଛି । ଅନ୍ୟପଟେ ଖୋର୍ଦ୍ଧାରେ ମଧ୍ୟ ଗୋଟିଏ ପ୍ଲଟ୍ ଠାବ କରିଥିଲା ଭିଜିଲାନ୍ସ l ସବୁଠାରୁ ଆଶ୍ଚର୍ଯ୍ୟ କରିଦେବ ସରକାରୀ ବାବୁଙ୍କ ଭୁବନେଶ୍ୱରରେ ଥିବା ଚାରି ମହଲା କୋଠାର ଗେଟ l ରିମୋଟରେ ଖୋଲୁଛି ଗେଟ l ସେ ବି ପୁଣି ପାସୱାର୍ଡ଼ ପଡିଛି l ତେବେ ଏତେ ସମ୍ପତ୍ତିର ସଠିକ ତଥ୍ୟ ଦେଇପାରିନାହାନ୍ତି ସରକାରୀ ବାବୁ l ତେଣୁ ତାଙ୍କୁ ଗିରଫ କରାଯିବ ସହ ତାଙ୍କ ବିରୋଧରେ ସଠିକ କାର୍ଯ୍ୟାନୁଷ୍ଠାନ ନିଆଯିବ ବୋଲି କହିଛି ଭିଜିଲାନ୍ସ l
Comments are closed.