ଭୁବନେଶ୍ୱର: ବାତ୍ୟା ୟସ୍ କେଉଁଠି ଲାଣ୍ଡଫଲ୍ କରିବ ? ଭାରତୀୟ ପାଣିପାଗ ବିଭାଗ ଏନେଇ ନିର୍ଦ୍ଦିଷ୍ଟ ସ୍ଥାନ ସ୍ପଷ୍ଟ କରି ନଥିବା ବେଳେ ଆଜି କହିଛି ଉତ୍ତର ଓଡ଼ିଶା ଉପକୂଳ ଦେଇ ଅତିକ୍ରମ କରିବ । ଅର୍ଥାତ୍ ଓଡ଼ିଶାରେ ଲାଣ୍ଡଫଲ୍ କରିବା ନିଶ୍ଚିତ । ବାଲଶ୍ୱର ଉପକୂଳର ଧାମରାରୁ ଚାନ୍ଦିପୁର ଭିତରେ କେଉଁଠି ଗୋଟିଏ ସ୍ଥାନରେ ମାଡ଼ ହୋଇପାରେ ୟସ୍ । ଗତିବିଧି ଉପରେ ନଜର ରଖିଛି ଭାରତୀୟ ପାଣିପାଗ ବିଭାଗ ।
SCS ‘Yaas’ lay centred at 0530 hrs IST of today, about 320km SSE of Paradip, 430km SSE of Balasore, likely to move north-northwestwards, to cross north Odisha coast during noon of 26th May as a VSCS. pic.twitter.com/SV33nLgG8Z
— India Meteorological Department (@Indiametdept) May 25, 2021
ବାତ୍ୟା ବର୍ତ୍ତମାନ ପାରାଦୀପ ଉପକୂଳରୁ ୩୨୦ କିଲୋମିଟର ଦକ୍ଷିଣ-ଦକ୍ଷିଣପୂର୍ବ ଓ ବାଲେଶ୍ୱର ଉପକୂଳରୁ ୪୩୦ କିଲୋମିଟର ଦକ୍ଷଣ-ଦକ୍ଷିଣ ପୂର୍ବ ଦିଗରେ କେନ୍ଦ୍ରୀଭୂତ ରହିଛି । ଏହା ଧୀରେ ଧୀରେ ଉତ୍ତର-ଉତ୍ତର ପଶ୍ଚିମ ଦିଗରେ ଗତି କରି କାଲି ମଧ୍ୟାହ୍ନରେ ଉତ୍ତର ଓଡ଼ିଶା ଉପକୂଳ ଅତିକ୍ରମ କରିବ ବୋଲି ଭାରତୀୟ ପାଣିପାଗ ବିଭାଗ କହିଛି ।
#CycloneYaas#Bhadrak
Evacuation is being carried out under in Basudevpur area by team of #NDRF pic.twitter.com/uUCTvQIprd— District Administration,Bhadrak (@DM_Bhadrak) May 25, 2021
ଆଜି ସ୍ପଷ୍ଟ ହୋଇପାରେ ନିର୍ଦ୍ଦିଷ୍ଟ ଭାବରେ କେଉଁ ସ୍ଥାନରେ ସ୍ଥଳଭାଗ ଛୁଇଁବ ବାତ୍ୟା । ଓଡ଼ିଶା ଉପକୂଳ ମୁହାଁ ହେବା ସହ ଅଧିକ ଶକ୍ତିଶାଳୀ ହେଉଛି ୟସ୍ । ଏହାର ପ୍ରଭାବରେ ଉପକୂଳ ଜିଲ୍ଲାଗୁଡ଼ିକରେ କାଲିଠାରୁ ବର୍ଷା ପବନ ଆରମ୍ଭ ହୋଇଛି । ଲାଣ୍ଡଫଲ୍ ବେଳେ ଘଣ୍ଟାପ୍ରତି ୧୫୫-୧୬୫ ଓ ସ୍ଥଳ ବିଶେଷରେ ୧୮୫ କିଲୋମିଟ ଛୁଇଁପାରେ ପବନର ବେଗ । ବ୍ୟାପକ କ୍ଷୟକ୍ଷତି ଅନୁମାନ କରାଯାଉଛି ।