ନୂଆଦିଲ୍ଲୀ: ସୀମିତ ଓଭର ବିଶିଷ୍ଟ କ୍ରିକେଟରେ ଭାରତର ତାର ପ୍ରାଧାନ୍ୟ ବଳବତର ରଖିଛି । ସଦ୍ୟ ପ୍ରକାଶିତ ଆଇସିସି ର୍ୟାଙ୍କିଙ୍ଗରେ ଭାରତ ଉଭୟ ଦିନିକିଆ ଓ ଟି୨୦ରେ ଶୀର୍ଷ ସ୍ଥାନରେ ରହିଛି । ଅଷ୍ଟ୍ରେଲିଆ ଟେଷ୍ଟରେ ଏକ ନମ୍ବର ସ୍ଥାନ ହାସଲ କରିଛି । ଭାରତ ଦ୍ୱିତୀୟ ସ୍ଥାନକୁ ଖସି ଆସିଛି । ଅଷ୍ଟ୍ରେଲିଆର ୧୨୪ ପଂଏଟ ଥିବା ବେଳେ ଭାରତ (୧୨୦), ଇଂଲଣ୍ଡ(୧୦୫) ଓ ଦକ୍ଷିଣ ଆଫ୍ରିକା (୯୬) ପଂଏଟ ହାସଲ କରିଛନ୍ତି । ଦିନିକିଆ ର୍ୟାଙ୍କିଙ୍ଗରେ ଭାରତ ୧୨୨ ପଂଏଟ ସହ ପ୍ରଥମ ସ୍ଥାନରେ ରହିଥିବା ବେଳେ ବିଶ୍ୱ ଚାମ୍ପିୟନ ଅଷ୍ଟ୍ରେଲିଆ ୬ ପଂଏଟ କମ ସହ ଦ୍ୱିତୀୟ ସ୍ଥାନରେ ରହିଛି ।
ସେହିପରି ଟି୨୦ ର୍ୟାଙ୍କିଙ୍ଗରେ ଟିମ ଇଣ୍ଡିଆ ୨୬୪ ରେଟିଂ ପଂଏଟ ସହ ଶୀର୍ଷ ସ୍ଥାନ ବଜାୟ ରଖିଛି । ଅଷ୍ଟ୍ରେଲିଆ(୨୫୭) ଟିମ ଇଂଲଣ୍ଡକୁ ହଟେଇ ଦ୍ୱିତୀୟ ସ୍ଥାନକୁ ଉନ୍ନୀତ ହୋଇଛି । ଆଗକୁ ଟି୨୦ ବିଶ୍ୱକପ ହେବାକୁ ଥିବାରୁ ର୍ୟାଙ୍କିଙ୍ଗରେ ଶୀର୍ଷ ସ୍ଥାନରେ ଥିବା ଭାରତର ମନୋବଳ ନିଶ୍ଚିିତ ଭାବେ ଉଚ୍ଚରେ ରହିବ ।
Comments are closed.