ଡା. ରଣଦୀପ ଗୁଲେରିଆଙ୍କ ଚେତାବନୀ; ଦେଶ ଦେଖିପାରେ କରୋନାର ତୃତୀୟ ଲହର

ନୂଆଦିଲ୍ଲୀ: ଯଦି ଏହି ଭୂତାଣୁ ଆଗକୁ ବଢିଚାଲେ ଏବଂ ରୋଗ ପ୍ରତିରୋଧକ ଶକ୍ତି ଏହାକୁ ନରୋକିପା‌ରେ ତେବେ ଦେଶ କରୋନାର ତୃତୀୟ ଲହର ଦେଖିବାର ସମ୍ଭାବନା ରହିଛି ବୋଲି ଏମ୍‌ସ ର ନିର୍ଦ୍ଦେଶକ ଡା. ରଣଦୀପ ଗୁଲେରିଆ ମଙ୍ଗଳବାର ଚେତାବନୀ ଦେଇଛନ୍ତି।

ଏମ୍‌ସର ନିର୍ଦ୍ଦେଶକ ଡା. ରଣଦୀପ ଗୁଲେରିଆ ମଙ୍ଗଳବାର କହିଛନ୍ତି ଯେ ଯଦି ଏହି ଭୂତାଣୁ ଆଗକୁ ବଢି ଚାଲିଥାଏ ଏବଂ ରୋଗ ପ୍ରତିରୋଧକ ଶକ୍ତି ହ୍ରାସ କରେ ତେବେ ଭାରତ କରୋନା ମହାମାରୀର ତୃତୀୟ ତରଙ୍ଗ ଦେଖିପାରେ।

ଏହାସହିତ ଡା. ରଣଦୀପ ଗୁଲେରିଆ କହିଛନ୍ତି ଯେ ଭୂତାଣୁ ସଂକ୍ରମଣକୁ ରୋକିବା ପାଇଁ ପର୍ଯ୍ୟାପ୍ତ ସମୟ ପାଇଁ ଏକ ଲକଡାଉନ୍‌ର ଆବଶ୍ୟକ ରହିଛି।

ସେ କହିଛନ୍ତି, “ଏଠାରେ ତିନୋଟି ଜିନିଷକୁ ଦେଖିବା ଆବଶ୍ୟକ। ପ୍ରଥମଟି ହସ୍ପିଟାଲର ଭିତ୍ତିଭୂମିରେ ଉନ୍ନତି ଆଣିବା। ଦ୍ବିତୀୟଟି କରୋନା ଆକ୍ରାନ୍ତଙ୍କ ସଂଖ୍ୟା ହ୍ରାସ କରିବା ଏବଂ ତୃତୀୟଟି ହେଉଛି ଟିକା। ସଂକ୍ରମଣର ଶୃଙ୍ଖଳାକୁ ଭାଙ୍ଗିବାକୁ ପଡିବ। ଯଦି ଆମେ ମଣିଷ ମଧ୍ୟରେ ସାମାଜିକ ଦୂରତା ବଜାୟ ରଖୁ ତେବେ ମାମଲା ହ୍ରାସ ହେବାର ସମ୍ଭାବନା ଅଛି। ”

ନଚେତ ଦେଶ ସମ୍ଭବତ ଅନ୍ୟ ଏକ ତରଙ୍ଗ ଦେଖିବ ବୋଲି ଚେତାବନୀ ଦେଇଛନ୍ତି ଡା. ଗୁଲେରିଆ। ଏହି ସମୟରେ ଏକ ନିର୍ଣ୍ଣୟକାରୀମାନେ ନିଷ୍ପତ୍ତି ନେବା ଆବଶ୍ୟକ ରହିଛି ବୋଲି ସେ କହିଛନ୍ତି।