ନୂଆଦିଲ୍ଲୀ: ଭାରତୀୟ କ୍ରିକେଟ ଟିମର ଆଗାମୀ ୱେଷ୍ଟଇଣ୍ଡିଜ ଗସ୍ତ କାର୍ଯ୍ୟସୂଚୀ ଘୋଷିତ ହୋଇଛି । ୧୨ ଜୁଲାଇରୁ ୨ମ୍ୟାଚ ବିଶିଷ୍ଟ ଟେଷ୍ଟ ସିରିଜର ପ୍ରଥମ ମ୍ୟାଚ ଖେଳାଯିବ ୨୦ ଜୁଲାଇରୁ ଦ୍ୱିତୀୟ ଟେଷ୍ଟ ଖେଳାଯିବ । ଜୁଲାଇର ପ୍ରଥମ ସପ୍ତାହରେ ଟିମ ୱେଷ୍ଟଇଣ୍ଡିଜ ଯିବ । ୱିଣ୍ଡସର ପାର୍କରେ ପ୍ରଥମ ଏବଂ କୁଇନ୍ସ ପାର୍କ ଓଭାଲରେ ଦ୍ୱିତୀୟ ଟେଷ୍ଟ ଖେଳାଯିବ । ୨୭, ୨୯ ଜୁଲାଇରେ ୨ଟି ଦିନିକିଆ ମ୍ୟାଚ ବାରବାଡୋସର କିଙ୍ଗଷ୍ଟନ ଓଭାଲରେ ଖେଳାଯିବ । ତ୍ରିନିଦାଦ ଆଣ୍ଡ ଟବାଗୋରେ ୧ ଅଗଷ୍ଟରେ ତୃତୀୟ ଦିନିକିଆ ଖେଳାଯିବ । ୩ ଅଗଷ୍ଟରୁ ୫ ମ୍ୟାଚ ବିଶିଷ୍ଟ ଟି୨୦ ସିରିଜ ଖେଳାଯିବ ।
ପ୍ରଥମ ଟି୨୦ ତ୍ରିନିଦାଦରେ ଏବଂ ଦ୍ୱିତୀୟ ଓ ତୃତୀୟ ମ୍ୟାଚ ଗୁୟାନାରେ ୬ ଓ ୮ ଅଗଷ୍ଟରେ ଖେଳାଯିବ । ଏହା ପରେ ଆମେରିକାର ଫ୍ଲୋରିଡାରେ ୧୨ ଓ ୧୩ ଅଗଷ୍ଟରେ ବାକି ୨ଟି ଟି୨୦ ମ୍ୟାଚ ଖେଳାଯିବ । ସମସ୍ତ ମ୍ୟାଚ ରାତି ୮ଟାରୁ ଆରମ୍ଭ ହେବ । ୱାର୍ଲ୍ଡ ଟେଷ୍ଟ ଚାମ୍ପିୟନଶିପ ଫାଇନାଲରେ ନୈରାଶ୍ୟଜନକ ପ୍ରଦର୍ଶନ କରିଥିବା ଟିମ ଇଣ୍ଡିଆରେ କେତୋଟି ପରିବର୍ତନ କରାଯିବା ସମ୍ଭାବନା ସୃଷ୍ଟି ହୋଇଛି ।
Comments are closed.