ଅଷ୍ଟ୍ରେଲିଆ ୧୭୭, ଭାରତ ୭୭/୧

ନାଗପୁର:ଗାଭାସ୍କର-ବର୍ଡର ସିରିଜରେ ପ୍ରଥମ କ୍ରିକେଟ ଟେଷ୍ଟ ନାଗପୁରରେ ଆଜିଠାରୁ ଆରମ୍ଭ ହୋଇଛି । ପୂର୍ବରୁ ଯାହା ଆଶା କରାଯାଉଥିଲା ସେୟା ପ୍ରମାଣିତ ହୋଇଛି । ସ୍ପିନକୁ ସୁହାଉଥିବା ପିଚରେ ଅଷ୍ଟ୍ରେଲିଆ ଅସହାୟ ଅବସ୍ଥାରେ ୧୭୭ ରନରେ ଅଲଆଉଟ ହୋଇଯାଇଛି । ରବୀନ୍ଦ୍ର ଜାଡେଜା ୫ଟି ଓ ରବିଚନ୍ଦ୍ରନ ଅଶ୍ୱୀନ ୩ଟି ୱିକେଟ ଅକ୍ତିଆର କରି ଭ୍ରମଣକାରୀ ଦଳର ବ୍ୟାଟିଂ ମେରୁଦଣ୍ଡ ଭାଙ୍ଗି ଦେଇଥିଲେ । ମହମ୍ମଦ ସାମି ଓ ମହମ୍ମଦ ସିରାଜ ଗୋଟିଏ ଲେଖାଁଏ ୱିକେଟ ନେଇଥିଲେ । ମାର୍ନସ ଲାବୁଶେନ ୪୯, ଆଲେକ୍ସ କେରି ୩୬ ଓ ଷ୍ଟିଭ ସ୍ମିଥ ୩୭ ରନ କରିଥିଲେ । ଅଷ୍ଟ୍ରେଲିଆ ଶେଷ ୭ଟି ୱିକେଟ ମାତ୍ର ୯୩ ରନରେ ହରାଇଥିଲା । ୬ଜଣ ବ୍ୟାଟ୍ସମ୍ୟାନ ୨ ଅଙ୍କ ଛୁଇଁ ପାରି ନ ଥିଲେ ।

Stumps on Day 1️⃣ of the first #INDvAUS Test!#TeamIndia finish the day with 77/1, trailing by 100 runs after dismissing Australia for 177 ??

We will see you tomorrow for Day 2 action!

Scorecard – https://t.co/edMqDi4dkU #INDvAUS | @mastercardindia pic.twitter.com/yTEuMvzDng

— BCCI (@BCCI) February 9, 2023

ଜବାବରେ ପ୍ରଥମ ଦିବସ ଷ୍ଟମ୍ପସ ଅପସାରଣ ବେଳକୁ ଭାରତ ଗୋଟିଏ ୱିକେଟ ହରାଇ ୭୭ ରନ ସଂଗ୍ରହ କରିନେଇଛି । ଭାରତ ଏବେ ବି ଅଷ୍ଟ୍ରେଲିଆ ସ୍କୋରଠାରୁ ୧୦୦ ରନ ପଛରେ ରହିଛି । ରୋହିତ ଶର୍ମା ୫୬ ଓ ଅଶ୍ୱୀନ କୌଣସି ରନ ନ କରି ଅପରାଜିତ ରହିଛନ୍ତି । କେଏଲ ରାହୁଲ ୨୦ ରନ କରି ପ୍ୟାଭିଲିୟନ ଫେରି ଯାଇଛନ୍ତି । ତାଙ୍କ ୱିକେଟ ଟଡ ମାର୍ଫି ନେଇଛନ୍ତି ।