ବର୍ମିଂହାମ: ଚଳିତ ରାଜ୍ୟଗୋଷ୍ଠୀ କ୍ରୀଡାରେ ଟେବୁଲ ଟେନିସରେ ଭାରତ ସ୍ୱର୍ଣ୍ଣ ପଦକ ହାସଲ କରିଛି । ପୁରୁଷ ବିଭାଗ ଫାଇନାଲରେ ଟିମ ଇଣ୍ଡିଆ ୩-୧ରେ ସିଙ୍ଗାପୁରକୁ ପରାସ୍ତ କରିଥିଲା । ସାଥିୟାନ ଜ୍ଞାନଶେକରନ ଓ ହରମିତ ଦେଶାଇ ସେମାନଙ୍କ ଡବଲ୍ସ ମ୍ୟାଚ ସହଜରେ ଜିତିଥିଲେ ମଧ୍ୟ ଷ୍ଟାର ଖେଳାଳି ଶରଥ କମଲ ସିଙ୍ଗଲ୍ସରେ ପରାଜିତ ହୋଇଥିଲେ । ଶରତଙ୍କୁ ସିଙ୍ଗାପୁରର ସିନିୟର ଖେଳାଳି କ୍ଲାରେନ୍ସ ଚିଓ ପରାସ୍ତ କରିଥିଲା । ମୁକାବିଲା ୧-୧ ସମାନ ସ୍ଥିତିକୁ ଆସିବା ପରେ ଭାରତର ସାଥିୟାନ ଓ ହରମିତ ସେମାନଙ୍କ ସିଙ୍ଗଲ୍ସ ମ୍ୟାଚରେ ବିଜୟୀ ହୋଇ ଭାରତ ପାଇଁ ୫ମ ସ୍ୱର୍ଣ୍ଣ ହାସଲ କରିଛନ୍ତି । ସାଥିୟାନ ଚମତ୍କାର ପ୍ରଦର୍ଶନ ଭାରତକୁ ସ୍ୱର୍ଣ୍ଣ ପଦକ ହାସଲ କରାଇବାରେ ସହାୟ ହୋଇଥିଲା । ପୂର୍ବରୁ ନାଇଜେରିଆକୁ ପରାସ୍ତ କରି ଭାରତ ଫାଇନାଲରେ ପ୍ରବେଶ କରିଥିଲା । ୨୦୧୮ ଏସିଆନ ଗେମ୍ସରେ ମଧ୍ୟ ଭାରତ ସ୍ୱର୍ଣ୍ଣ ପଦକ ଜିତିଥିଲା ।
Comments are closed.