ଇଣ୍ଡୋନେସିଆରେ ହିଂସାକାଣ୍ଡ ଘଟିଥିବା ଫୁଟବଲ ଷ୍ଟାଡିୟମ ମାଟିରେ ମିଶିବ

ଇଣ୍ଡୋନେସିଆ ସରକାର ଯେଉଁ ଷ୍ଟାଡିୟମରେ 133 ଜଣ ଲୋକ ମରିଥିଲେ ତାକୁ ଧ୍ବଂସ କରିବାକୁ ନିଷ୍ପତ୍ତି ନେଇଛନ୍ତି । କଂଜୁରହାନ ଷ୍ଟାଡିୟମରେ ଫୁଟବଲ ମ୍ୟାଚ ପରେ ଦଳାଚକଟା ହୋଇ ଦୁଇ ସପ୍ତାହ ତଳେ 133 ଲୋକ ପ୍ରାଣ ହରାଇଥିଲେ । ଏଥିପାଇଁ ସାରା ବିଶ୍ବରେ ଇଣ୍ଡୋନେସିଆକୁ ସମାଲୋଚନା କରାଯାଇଥିଲା । ସୁରକ୍ଷା ବ୍ୟବସ୍ଥାକୁ ଦାୟୀ କରାଯାଇଥିଲା । ଏଥିରେ ସେଠାକାର ସରକାର ଏହି ଷ୍ଟାଡିୟମକୁ ଭାଙ୍ଗିବା ପାଇଁ ନିଷ୍ପତ୍ତି ନେଇଛନ୍ତି ।

#UPDATE | Indonesia to demolish football stadium where crush killed 133, reports AFP News Agency citing president https://t.co/4YhUKqFPmi

— ANI (@ANI) October 18, 2022

ଏଠାରେ ସୂଚନାଯୋଗ୍ୟ ଯେ  ଆରେମା ଓ ପର୍ସେବାୟା ସୁରବାୟା  ଦୁଇଟି କ୍ଲବ ମଧ୍ୟରେ ମ୍ୟାଚ ଅନୁଷ୍ଠିତ ହୋଇଥିଲା। ୩-୨ ଗୋଲରେ ଆରେମା ପରାଜୟ ହେଲା ପରେ ଷ୍ଟାଡିୟମରେ ହିଂସାକାଣ୍ଡ ହୋଇଥିଲା ।  ଦୁଇ ଦଳର ପ୍ରଶଂସକମାନେ ଅତ୍ୟଧିକ ଭିଡ, ଦଳାଚକଟା ଏବଂ ଅଣନିଶ୍ୱାସୀ ହୋଇ ମୃତ୍ୟୁ ବରଣ କରିଥିଲେ।

ହଜାର ହଜାର ଫ୍ୟାନ୍ ହିଂସ୍ର ହୋଇ ପଡ଼ିଆକୁ ଦୌଡିଥିଲେ। ଭିଡ ନିୟନ୍ତ୍ରଣ କରିବା ପାଇଁ ପୋଲିସ, ଫୁଟବଲ ଷ୍ଡାଡିୟମରେ ଲୁହବୁହା ଗ୍ୟାସ ପ୍ରୟୋଗ କରିଥିଲା। ରିପୋର୍ଟ ମୁତାବକ, ପୋଲିସ ଜନଗହଳିପୂର୍ଣ୍ଣ ଷ୍ଟାଡିୟମରେ ଲୁହବୁହା ଗ୍ୟାସ ଫିଙ୍ଗିବା ପରେ ଅନେକ ଆହତ ହୋଇ ଏଣେ ତେଣେ ଦୈାଡିବାକୁ ଲାଗିଥିଲେ ।