ସମାଧୀ ନେଲେ ଜୈନ ଗୁରୁ ଆଚାର୍ଯ୍ୟ ଶ୍ରୀ ବିଦ୍ୟାସାଗର ଜୀ ମହାରାଜ, ଟ୍ବିଟ୍ କରି ଶୋକ ବ୍ୟକ୍ତ କଲେ ପ୍ରଧାନମନ୍ତ୍ରୀ

ରାୟପୁର: ଜୈନ ଧର୍ମର, ଦିଗର ମୁନି ପରମ୍ପରାର ଆଚାର୍ଯ୍ୟ ଶ୍ରୀ ବିଦ୍ୟାସାଗର ଜୀ ମହାରାଜ ଦେହତ୍ୟାଗ କରିଛନ୍ତି । ସେ ଗତକାଲି ଅର୍ଥାତ୍ (ଫେବୃଆରୀ ୧୭) ବିଳମ୍ବିତ ରାତି ୨ ଟା ୩୫ରେ ଛତିଶଗଡ ଡୋଙ୍ଗରଗଡର ଚନ୍ଦ୍ରଗିରି ତିର୍ଥା ଠାରେ ସମାଧୀ ନେଇଛନ୍ତି । ଏହାପୂର୍ବରୁ ସେ ଆଚାର୍ଯ୍ୟ ପଦରୁ ଇସ୍ତଫା ଦେଇଥିଲେ ଏବଂ ତିନି ଦିନ ପର୍ଯ୍ୟନ୍ତ ଉପବାସ ଓ ନିରବତା ପାଳନ କରିଥିଲେ । ତିନି ଦିନ ଉପବାସ କରିବା ପରେ ସେ ନିଜ ଶରୀର ତ୍ୟାଗ କରିଛନ୍ତି ।

ଆଚାର୍ଯ୍ୟ ଶ୍ରୀ ବିଦ୍ୟାସାଗର ଜୀ ମହାରାଜଙ୍କ ପରଲୋକରେ ସମଗ୍ର ବିଶ୍ୱରେ ଜୈନ ସମ୍ପ୍ରଦାୟ ଏବଂ ସେମାନଙ୍କର ସମସ୍ତ ଅନୁଗାମୀମାନଙ୍କ ମଧ୍ୟରେ ଶୋକର ଛାୟା ଖେଳିଯାଇଛି ।

ଅନ୍ୟପଟେ ଟ୍ବିଟ୍ କରି ଶୋକ ବ୍ୟକ୍ତ କରିଛନ୍ତି ପ୍ରଧାନମନ୍ତ୍ରୀ ନରେନ୍ଦ୍ର ମୋଦି । ମୋଦି ତାଙ୍କ ସୋସିଆଲ ମିଡିଆ ଆକାଉଣ୍ଟରେ ଲେଖିଛନ୍ତି, “ଆଚାର୍ଯ୍ୟ ଶ୍ରୀ ୧୦୮ ବିଦ୍ୟାସାଗର ଜୀ ମହାରାଜ ଜୀଙ୍କର ଦେହାନ୍ତ ଦେଶ ପାଇଁ ଏକ ଅପୂରଣୀୟ କ୍ଷତି । ଲୋକଙ୍କ ମଧ୍ୟରେ ଆଧ୍ୟାତ୍ମିକ ଜାଗରଣ ପାଇଁ ତାଙ୍କର ବହୁମୂଲ୍ୟ ଉଦ୍ୟମ ସର୍ବଦା ସ୍ମରଣୀୟ ହୋଇ ରହିବ । ଦାରିଦ୍ର୍ୟ ଦୂରୀକରଣ ସହିତ “ସମାଜରେ ସ୍ୱାସ୍ଥ୍ୟ ଏବଂ ଶିକ୍ଷାକୁ ପ୍ରୋତ୍ସାହିତ କରିବାରେ ତାଙ୍କ ଜୀବନକୁ ଉତ୍ସର୍ଗ କରିଥିଲେ”।

ପ୍ରଧାନମନ୍ତ୍ରୀ ମୋଦି କହିଛନ୍ତି ଯେ, ‘ମୋର ସୌଭାଗ୍ୟ ଯେ ମୋତେ ନିରନ୍ତର ତାଙ୍କ ଆଶୀର୍ବାଦ ମିଳିଛି । ଗତବର୍ଷ ଛତିଶଗଡର ଚନ୍ଦ୍ରଗିରି ଜୈନ ମନ୍ଦିରରେ ତାଙ୍କ ସହ ମୋର ସାକ୍ଷାତ ମୋ ପାଇଁ ଚିର ସ୍ମରଣୀୟ ହୋଇରହିବ । ତା’ପରେ ମୁଁ ଆଚାର୍ଯ୍ୟ ଜୀ ଙ୍କ ଠାରୁ ବହୁତ ପ୍ରେମ ଏବଂ ଆଶୀର୍ବାଦ ପାଇଥିଲି । ସମାଜରେ ତାଙ୍କର ଅପୂର୍ବ ଅବଦାନ ଦେଶର ପ୍ରତ୍ୟେକ ପିଢିକୁ ପ୍ରେରଣା ଯୋଗାଇବ’ ।

आचार्य श्री 108 विद्यासागर जी महाराज जी का ब्रह्मलीन होना देश के लिए एक अपूरणीय क्षति है। लोगों में आध्यात्मिक जागृति के लिए उनके बहुमूल्य प्रयास सदैव स्मरण किए जाएंगे। वे जीवनपर्यंत गरीबी उन्मूलन के साथ-साथ समाज में स्वास्थ्य और शिक्षा को बढ़ावा देने में जुटे रहे। यह मेरा… pic.twitter.com/mvJJPbiiwM

— Narendra Modi (@narendramodi) February 18, 2024

୧୯୯୯ ମସିହାରେ ତତ୍କାଳୀନ ପ୍ରଧାନମନ୍ତ୍ରୀ ସ୍ବର୍ଗତଃ ଅଟଳ ବିହାରୀ ବାଜପେୟୀ ତାଙ୍କୁ ରାଷ୍ଟ୍ରୀୟ ସନ୍ଥଙ୍କ ଆଖ୍ୟା ଦେଇଥିଲେ । ବାଜପେୟୀ ତାଙ୍କୁ ଦେଖା କରିବାକୁ ଇନ୍ଦୋରର ଗୋମାଟ ଗିରି ତୀର୍ଥସ୍ଥାନକୁ ଯାଇଥିଲେ । ରାଜଧାନୀର ଜୈନ ସମ୍ପ୍ରଦାୟ ମହାରାଜ ଜୀଙ୍କ ଆତ୍ମାର ସଦଗତି ପାଇଁ ପରମାତ୍ମାଙ୍କ ନିକଟରେ ପ୍ରାର୍ଥନା କରିଛନ୍ତି ।