ଆଡିଲେଡ: ଭାରତ-ଅଷ୍ଟ୍ରେଲିଆ ମଧ୍ୟରେ ଚାଲିଥିବା ଟେଷ୍ଟ ସିରିଜର ଦ୍ୱିତୀୟ ମ୍ୟାଚ ଆଡିଲେଡରେ ଆରମ୍ଭ ହୋଇଛି । ଏହି ଦିବାରାତ୍ର ମୁକାବିଲାରେ ଭାରତ ପ୍ରଥମେ ବ୍ୟାଟିଂ କରି ବିପର୍ଯ୍ୟୟର ସମ୍ମୁଖୀନ ହୋଇଛି । ପର୍ଥ ଟେଷ୍ଟରେ ଚମତ୍କାର ଶତକ ହାସଲ କରିଥିବା ଯଶସ୍ୱୀ ଜୈସୱାଲ ଏହି ମ୍ୟାଚରେ ଖାତା ଖୋଲିପାରି ନ ଥିଲେ । ତାଙ୍କୁ ମିଚେଲ ଷ୍ଟାର୍କ ଆଉଟ କରିଥିଲେ । ଏଥିସହ ଷ୍ଟାର୍କ ପ୍ରଥମ ମ୍ୟାଚର ମଧୂର ପ୍ରତିଶୋଧ ନେଇଛନ୍ତି । ପର୍ଥରେ ଜୈସୱାଲ ତାଙ୍କ ଶତକୀୟ ଇନିଂସ ଅବସରରେ ଷ୍ଟାର୍କଙ୍କୁ ଥଟ୍ଟା କରିଥିଲେ । ବହୁତ ଧୀରେ ବୋଲିଂ କରୁଛ ବୋଲି ସେ କହିଥିଲେ । ଷ୍ଟାର୍କ ସେ ସମୟରେ ହସି କରି ରହି ଯାଇଥିଲେ ।
ଏବେ ପ୍ରଥମ ବଲରେ ଷ୍ଟାର୍କ ଭାରତର ଏହି ଯୁବ ବ୍ୟାଟ୍ସମ୍ୟାନଙ୍କୁ ଆଉଟ କରିଛନ୍ତି । ଦିବାରାତ୍ର ଟେଷ୍ଟ ପାଇଁ ଭାରତ ଦଳରେ ୩ଟି ପରିବର୍ତନ କରିଥିଲା । ରୋହିତ ଶର୍ମା, ଶୁଭମନ ଗିଲ ଓ ରବିଚନ୍ଦ୍ରନ ଅଶ୍ୱୀନ ଚୂଡାନ୍ତ ଏକାଦଶରେ ସାମିଲ ହୋଇଥିବା ବେଳେ ଦେବଦତ ପାଡିକଲ, ଧ୍ରୁବ ଜୁରେଲ ଓ ୱାଶିଂଟନ ସୁନ୍ଦରଙ୍କୁ ବାଦ ଦିଆଯାଇଛି ।
Comments are closed.