ଲଣ୍ଡନ: ଇଂଲଣ୍ଡର ମହାନ ବୋଲର ଜେମ୍ସ ଆଣ୍ଡରସନ ଏବେ ପୂନର୍ବାର ଚର୍ଚ୍ଚାକୁ ଆସିଛନ୍ତି । ଆଇପିଏଲର ମେଗା ନିଲାମରେ ଆଣ୍ଡରସନ ରେଜିଷ୍ଟର କରିବା ସମସ୍ତଙ୍କୁ ଚକିତ କରିଛି । ସେ ଏହି ଅବସରରେ କହିଛନ୍ତି ଯେ, ମୁଁ ଭଲ ଫର୍ମରେ ରହିଛି ଏବଂ ଫିଟ ମଧ୍ୟ ଅଛି । ଆହୁରି ଅନେକ ଦିନ କ୍ରିକେଟ ଖେଳିବା ଜାରୀ ରଖିପାରିବି । ମାତ୍ର ଇଂଲଣ୍ଡ ବୋର୍ଡ ଯୁବ ଖେଳାଳିଙ୍କୁ ଗୁରୁତ୍ୱ ଦେବ ବୋଲି ସ୍ପଷ୍ଟ କରିଥିବାରୁ ମୁଁ ବିକଳ୍ପ ପନ୍ଥା ଗ୍ରହଣ କରିଥିଲି । ୪୨ ବର୍ଷୀୟ ଆଣ୍ଡରସନ ୨୦୧୪ରେ ଶେଷ ଥର ପାଇଁ ଟି୨୦ ମ୍ୟାଚ ଖେଳିଥିଲେ । ସେ ଆଇପିଏଲରେ କେବେ ହେଲେ ଖେଳି ନାହାନ୍ତି ।
୨୪ ଓ ୨୫ ନଭେମ୍ବରରେ ଜେହାଦରେ ଆଇପିଏଲ ୨୦୨୫ ପାଇଁ ମେଗା ନିଲାମ ଆୟୋଜିତ ହେବ । ଆଣ୍ଡରସନ ୧.୨୫ କୋଟିଂ ବେସ ପ୍ରାଇସରେ ନିଜକୁ ସାମିଲ କରିଛନ୍ତି । ଦୁନିଆର ସବୁଠାରୁ ବଡ ଟି୨୦ ଲିଗରେ ଖେଳିବା ନିଶ୍ଚିତ ଭାବେ ଗର୍ବର ବିଷୟ ହେବ । ତେବେ ଜଣେ ଖେଳାଳି ଅପେକ୍ଷା ମୁଁ ଏହି ଲିଗ ମାଧ୍ୟମରେ କୋଚ ଅନୁଭବ ହାସଲ କରିବାକୁ ଚାହିଁବି । ଇଂଲଣ୍ଡର ଏହି ଶ୍ରେଷ୍ଠ ବୋଲର ଟେଷ୍ଟ କ୍ୟାରିୟରରେ ୭୦୦ରୁ ଅଧିକ ୱିକେଟ ହାସଲ କରିଛନ୍ତି । ଆଣ୍ଡରସନଙ୍କୁ କେଉଁ ଟିମ କେତେ ପ୍ରାଇସରେ ନେଉଛି ସେଥିପ୍ରତି ସମସ୍ତଙ୍କ ନଜର ରହିବ ।
Comments are closed.