ନୂଆଦିଲ୍ଲୀ: ଟୋକିଓ ଅଲିମ୍ପିକ୍ସରେ ଭାରତ ପାଇଁ ସ୍ୱର୍ଣ୍ଣ ପଦକ ଜିତିଥିବା ଜାଭେଲିନ ଥ୍ରୋୟର ନୀରଜ ଚୋପ୍ରା ଏବେ ସୋସିଆଲ ମିଡିଆରେ କିଙ୍ଗ ସାଜିଛନ୍ତି । ବଲିଉଡ ଅଭିନେତା, କ୍ରିକେଟ ଖେଳାଳିଙ୍କଠାରୁ ଆରମ୍ଭ କରି ସମସ୍ତେ ତାଙ୍କ ପ୍ରଶଂସାରେ ଶତମୁଖ । ସ୍ୱର୍ଣ୍ଣ ଜିତିବା ପୂର୍ବରୁ ନୀରଜଙ୍କ ଇନଷ୍ଟାଗ୍ରାମରେ ମାତ୍ର ୧ଲକ୍ଷ ପାଖାପାଖି ଫଲୋଅର୍ସ ଥିଲେ । ଆଉ ଏବେ ମାତ୍ର ୨୪ ଘଂଟା ମଧ୍ୟରେ ଏହା ବଢ଼ି ୨୦ ଲକ୍ଷରେ ପଂହଚିଛି । ନୀରଜଙ୍କ ପ୍ରତି ସମସ୍ତ ଭାରତୀୟଙ୍କ ପ୍ରେମ ଓ ସମ୍ମାନ ବଢ଼ିଛି ।
ଇତି ମଧ୍ୟରେ ହରିୟାଣା ସରକାରଙ୍କ ବ୍ୟତୀତ ପଞ୍ଜାବ ୨କୋଟି, ବାୟଜୁସ ୨କୋଟି, ମଣିପୁର ୧କୋଟି, ବିସିସିଆଇ ୧କୋଟି, ଚେନ୍ନାଇ ସୁପର କିଙ୍ଗ୍ସ ୧କୋଟି, ଭାରତୀୟ ଅଲିମ୍ପିକ ସଂଘ ୭୫ଲକ୍ଷ ଓ ଖେଳ ମନ୍ତ୍ରଣାଳୟ ୫୦ ଲକ୍ଷ ପୁରସ୍କାର ରାଶି ଘୋଷଣା କରିଛନ୍ତି । ନୀରଜଙ୍କ ଥ୍ରୋ ସୋସିଆଇ ସାଇଟରେ ମିସାଇଲ ଇତକ୍ଷେପଣ ଭାବେ ମଧ୍ୟ ପ୍ରଶଂସକମାନେ ପୋଷ୍ଟ କରିଛନ୍ତି ।
Comments are closed.