ଭୁବନେଶ୍ୱର: ରାଜଧାନୀ ରେ ଥମୁନି ଲୁଟେରାଙ୍କ ଉତ୍ପାତ । କମିଶନରେଟ୍ ପୋଲିସ ପକ୍ଷରୁ ଚୋରିକୁ ରୋକିବା କୁ ଅନେକ ପଦକ୍ଷେପ ନିଆଯାଉଥିବାସତ୍ତ୍ବେ ଏହା କମିବା ବଦଳରେ ଦିନକୁ ଦିନ ବଢିବାରେ ଲାଗିଛି । ତେବେ ଘର ଝରକା ତାଡି ଲୁଟିନେଲେ ୩ ଲକ୍ଷରୁ ଅଧିକ ମୂଲ୍ୟର ସୁନା ଅଳଙ୍କାର । ଏଭଳି ଘଟଣା ଘଟିଛି ଭୁବନେଶ୍ୱର ସ୍ଥିତ ଲକ୍ଷ୍ମୀସାଗର ଅଞ୍ଚଳରେ ।
ଖବର ଅନୁଯାୟୀ, ଜଗନ୍ନାଥ ନଗର ୮ ନମ୍ବର ରୋଡରେ ରହୁଥିବା ସାବିତ୍ରୀ ପଣ୍ଡା ଏବଂ ତାଙ୍କ ସ୍ୱାମୀ ଘର ତାଲା ପକାଇ ରବିବାର ଦିନ ସେମାନଙ୍କ ସମ୍ପର୍କୀୟଙ୍କ ନିକଟକୁ ଯାଇଥିଲେ । ହେଲେ ସୋମବାର ଫେରିବା ପରେ ସେମାନେ ଘର ତାଲା ଖୋଲି ଦେଖନ୍ତିତ ତାଙ୍କ ଆଲମିରାରୁ ସୁନା ଅଳଙ୍କାର ସହ କିଛି ନଗଦ ଟଙ୍କା ଗାଏବ ଅଛି ଏବଂ ଘର ର ଝରକା ଭାଙ୍ଗିଥିବା ଦେଖିବାକୁ ପାଇଥିଲେ ।
ଏନେଇ ସାବିତ୍ରୀ ଲକ୍ଷ୍ମୀସାଗର ପୋଲିସ ଷ୍ଟେସନରେ ଅଭିଯୋଗ କରିଥିଲେ । ଅଭିଯୋଗ କୁ ଭିତ୍ତି କରି ପୋଲିସ ଏକ ମାମଲା ରୁଜୁ କରି ସ୍ଥାନୀୟ ଅଞ୍ଚଳରେ ଲାଗିଥିବା ସିସିଟିଭି ଆଧାରରେ ତଦନ୍ତ ଆରମ୍ଭ କରିଛି ।
Comments are closed.