ନୀରବ ମୋଦି, ମେହୁଲ ଚୋକସୀଙ୍କ ୧୩୫୦ କୋଟି ଟଙ୍କାର ଅଳଙ୍କାର ଭାରତକୁ ଫେରିଲା

ନୂଆଦିଲ୍ଲୀ: ପ୍ରବର୍ତନ ନିର୍ଦ୍ଦେଶାଳୟ (ଇଡି) ନୀରବ ମୋଦି ଓ ମେହୁଲ ଚୋକସୀଙ୍କ ୧୩୫୦ କୋଟି ଟଙ୍କାର ଅଳଙ୍କାର ଭାରତକୁ ଫେରାଇ ଆଣିବାରେ ସଫଳ ହୋଇଛି ।  ପିଏନବି ଦୁର୍ନୀତି ଅଭିଯୋଗରେ ସେମାନଙ୍କ ବିରୋଧରେ ମାମଲା ରୁଜୁ କରି ଏଜେନ୍ସି ଯାଞ୍ଚ ଆରମ୍ଭ କରିବା ସମୟରେ  ଦୁଇ ଅଭିଯୁକ୍ତ ଏହି ଜିନିଷକୁ ଦୁବାଇରୁ ହଂକଂ ପଠାଇ ଦେଇଥିଲେ । ହଂକଂରେ ଏହି ମୂଲ୍ୟବାନ ଜିନିଷ ଥିବାର ଖବର ଇଡିକୁ ଜୁଲାଇ ୨୦୧୮ରେ ମିଳିଥିଲା । ସେତେବେଳେ ହଂକଂ ସରକାର ଓ ସେଠାର ଏଜେନ୍ସି ଏହି ଜିନିଷକୁ ଭାରତ ଫେରାଇ ଆଣିବାର ଚେଷ୍ଟା କରାଯାଇଥିଲା । ୨୩୪୦ କିଲୋଗ୍ରାମ ଅଳଙ୍କାରକୁ ମୁମ୍ବାଇ ଫେରାଇ ଅଣାଯାଇଛି । ଭାରତ ଅଣାଯାଇଥିବା ୧୦୮ କନସାଇନମେଣ୍ଟରେ ୩୨ ନୀରବ ମୋଦିଙ୍କର ରହିଛି ଓ ୭୬ଟି ମେହୁଲଙ୍କର ରହିଛି । ପୂର୍ବରୁ ମଧ୍ୟ ଇଡି ୩୩ କନସାଇନମେଣ୍ଟକୁ ଦୁବାଇ ଓ ହଂକଂରୁ ଜବତ କରି ଭାରତ ଅଣାଯାଇଥିଲା, ଯାହାର ମୂଲ୍ୟ ୧୩୭ କୋଟି ଥିଲା ।