ଶ୍ରୀନଗର: କାଶ୍ମୀର ଘାଟିରେ ଷଡଯନ୍ତ୍ରର ନୂଆ ତରିକା ତିଆରି କରିଛନ୍ତି ଆତଙ୍କବାଦୀ । ଏହି ନୂଆ ତରିକା ହେଉଛି ସେଣ୍ଟ ବମ ବା ପରଫ୍ୟୁମ ବମ । ଜାମ୍ମୁ-କଶ୍ମରରେ ପ୍ରଥମ ଥର ପାଇଁ ଏପରି ପରଫ୍ୟୁମ ବମ ଉଦ୍ଧାର କରିଛି ସ୍ଥାନୀୟ ପୋଲିସ । ନରୱାଲରେ
ଜାନୁଆରୀ ୨୧ରେ ଜମ୍ମୁର ନରୱାଲରେ ୨ଟି ଆଇଇଡି ଧମାକା ହୋଇଥିଲା । ଏଥିରେ ୯ଜଣ ଗୁରୁତର ହୋଇଥିଲେ । ପୋଲିସ ଉକ୍ତ ଆତଙ୍କୀଙ୍କୁ କାବୁ କରିବା ସହ ଏହି ନୂଆ ଷଡଯନ୍ତ୍ରର ରହସ୍ୟ ଖୋଲିଛି । ଉକ୍ତ ଆତଙ୍କୀ ପାଖରୁ ଆଉ ଏକ ପରଫ୍ୟୁମ ବୋମା ଜବତ କରିଛି ପୋଲିସ ।
ସୁରକ୍ଷା କର୍ମୀଙ୍କ କହିବା ଅନୁଯାୟୀ, ଜବତ ହୋଇଥିବା ଏହି ପରଫ୍ୟୁମ୍ ବମକୁ ଛୁଇଁବା ମାତ୍ରେ ଏହା ବିସ୍ଫୋରଣ ହେଉଛି । ଜମ୍ମୁକାଶ୍ମୀର ଡିଜିପି ଦିଲବାଗ୍ ସିଂଙ୍କ ଗୁରୁବାର କହିଛନ୍ତି, ଜାନୁଆରୀ ୨୦ତାରିଖରେ ପ୍ରଥମ ଥର ପାଇଁ ଏପରି ବିସ୍ଫୋରଣ ସାମ୍ନାକୁ ଆସିଥିଲା । ତେବେ ବିସ୍ଫୋରଣରେ କୌଣସି ଧନଜୀବନ କ୍ଷତି ହୋଇନଥିଲା । କିନ୍ତୁ ଜାନୁଆରୀ ୨୧ ତାରିଖ ବିସ୍ପୋରଣ ଭୟଙ୍କର ଥିଲା । ଏଥିରେ ୯ଜଣ ଲୋକ ଗୁରୁତର ଆହତ ହୋଇଛନ୍ତି ।
ପୋଲିସ ଅଧିକାରୀଙ୍କ କହିବା ଅନୁଯାୟୀ ଏହା ଦେଖିବାକୁ ଏକ ପରଫ୍ୟୁମ ବୋତଲ ପରି । ହେଲେ ଏହା ଭିତରେ ବିସ୍ଫୋରକ ରହିଛି । ତେବେ ଏହା କେତେ କ୍ଷତିକାରକ ତାହାର ତଦନ୍ତ ଚାଲିଥିବା କହିଛନ୍ତି ପୋଲିସ ଅଧିକାରୀ ।
Comments are closed.