ମୁମ୍ବାଇ: ବଲିଉଡର କୁଇନ କଙ୍ଗନା ରାନାୱତ ତାଙ୍କର ଆଗାମୀ ଫିଲ୍ମ ‘ତେଜସ’କୁ ନେଇ ଖୁବ୍ ବ୍ୟସ୍ତ । ବାୟୁସେନା ଦିବସ ଅବସରରେ ତାଙ୍କ ଫିଲ୍ମ ତେଜସ୍ର ଟ୍ରେଲର ରିଲିଜ ହୋଇଯାଇଛି । ଝିଜର ବଡ ପରଦାରେ ଆସିବା ପାଇଁ ଆକ୍ସନ ଏବଂ ରୋମାଞ୍ଚକର ଝଲକ ଦେଖାଇଛି । ଏହା ସମଗ୍ର ଦେଶରେ ଦର୍ଶକଙ୍କ ଉତ୍ସାହ ବଢାଇ ଦେଇଛି । ଦର୍ଶକଙ୍କ ଆଗ୍ରହ ଦେଖି ନିର୍ମାତାମାନେ ଘୋଷଣା କରିଥିଲେ ଯେ, ବାୟୁସେନା ଦିବସ ଅବସରରେ ଫିଲ୍ମର ଟ୍ରେଲର ରିଲିଜ ହେବ । ରବିବାର ଏହି ବହୁ ପ୍ରତୀକ୍ଷିତ ଫିଲ୍ମର ଟ୍ରେଲର ରିଲିଜ ହୋଇଯାଇଛି ।
ଟ୍ରେଲରରେ କଙ୍ଗନାଙ୍କୁ ପ୍ରଖର, ଜୋଶରେ ଭରପୂର ଓ ଶକ୍ତିଶାଳୀ ବାୟୁସେନା ପାଇଲଟ ତେଜାସ ଗିଲଙ୍କ ଭୂମିକାରେ ଦେଖିବାକୁ ମିଳିଛି । ଟ୍ରେଲର ହାଇ ଲେଭଲ ଏରିଲ ଦୃଶ୍ୟରୁ ଆରମ୍ଭ ହୋଇଥିଲା ଏବଂ ହୃଦୟ ଜିତିଛି ଡାଏଲଗ । ତେଜସରେ ଏକ ଭଲ ସାଉଣ୍ଡଟ୍ରାକ ଏବଂ ଚିତ୍ତାକର୍ଷକ ଭିଜୁଆଲ ଇଫେକ୍ଟ ସହିତ ଟ୍ରେଲର ହେଉଛି ଏକ ଭିଜୁଆଲ ସ୍ପେକ୍ଟିକଲ ଯାହା ଶକ୍ତିଶାଳୀ ସଂଳାପ ସହିତ ଦେଶପ୍ରେମର ଭାବନା ସୃଷ୍ଟି କରେ । ଟ୍ରେଲରରେ କଙ୍ଗନା ଜଣେ ସାହସୀ ବାୟୁସେନା ପାଇଲଟ ଭାବରେ ନଜର ଆସିଛନ୍ତି । କଙ୍ଗନାଙ୍କ ମୁହଁରେ ଦେଖାଯାଉଥିବା ଗମ୍ଭୀରତା ଏବଂ ଯୁଦ୍ଧ ପାଇଁ ଅଭିନେତ୍ରୀଙ୍କ ଉତ୍ସାହ ଲୋକଙ୍କ ହୃଦୟରେ ଦେଶ ପ୍ରତି ଏକ ଉତ୍ସାହ ଜାଗ୍ରତ କରିବ ।
କଙ୍ଗନାଙ୍କ ଏହି ଫିଲ୍ମ ଅକ୍ଟୋବର ୨୭ରେ ରିଲିଜ ହେବ । ଟ୍ରେଲରରେ ଆତଙ୍କବାଦୀଙ୍କ ବିରୋଧରେ ଭାରତୀୟ ସେନାର ଶକ୍ତିଶାଳୀ କାର୍ଯ୍ୟ ପ୍ରଦର୍ଶନ କରାଯାଇଛି । ଭାରତୀୟ ବାୟୁସେନା ବିମାନର ଗର୍ଜନ ଆକାଶକୁ ଥରାଇ ଦେଉଛି ।
