ନୂଆଦିଲ୍ଲୀ: ବଲିଉଡ ଅଭିନେତ୍ରୀ କଙ୍ଗନା ରାନାୱତ ଏବେ ତାଙ୍କ ଫିଲ୍ମ ‘ତେଜସ୍’ର ରିଲିଜ ଅପେକ୍ଷାରେ ଅଛନ୍ତି । ବାୟୁସେନା ପାଇଲଟ ତେଜସ୍ ଗିଲଙ୍କ ଜୀବନର କାହଣୀ ଉପରେ ଆଧାରିତ ହୋଇଛି ଏହି ଫିଲ୍ମ । ଯାହାକୁ ନେଇ ବର୍ତ୍ତମାନ ସେ ଫିଲ୍ମର ପ୍ରମୋଶନରେ ବହୁତ ବ୍ୟସ୍ତ ଥିବାବେଳେ, ଆସନ୍ତା ମଙ୍ଗଳବାର ବିଜୟା ଦଶମୀରେ ସେ ଦିଲ୍ଲୀରେ ରାବଣ ପୋଡି କାର୍ଯ୍ୟକ୍ରମରେ ଯାଗଦେବେ ବୋଲି ସୂଚନା ରହିଛି ।
ଖବରମୁତାବକ, ଦିଲ୍ଲୀର ଲାଲ କିଲ୍ଲା ମୈଦାନରେ ଅନୁଷ୍ଠିତ ପ୍ରସିଦ୍ଧ ଲବ କୁଶ ରାମଲିଳାରେ ଚଳିତବର୍ଷ ଅଭିନେତ୍ରୀ କଙ୍ଗନା ରାବଣ ଦହନ କରିବେ । ତେବେ ସାଧାରଣତଃ ଦେଶର ପ୍ରଧାନମନ୍ତ୍ରୀ ଲାଲ କିଲ୍ଲା ମୈଦାନରେ ଏହି ରାବଣ ପୋଡି କାର୍ଯ୍ୟକ୍ରମରେ ଯୋଗଦେଇ ରାବଣ ଦହନ କରିଥାନ୍ତି । କିନ୍ତୁ ଚଳିତବର୍ଷ ପିଏମ ମୋଦି ନିର୍ବାଚନରେ ବ୍ୟସ୍ତ ଥିବାରୁ ଲବ କୁଶ ରାମଲିଳା କମିଟି ବିଭିନ୍ନ ବର୍ଗର ମହିଳାଙ୍କୁ ରାମଲିଳା ପାଇଁ ଆମନ୍ତ୍ରଣ କରିବାକୁ ନିଷ୍ପତ୍ତି ନେଇଛି । ଏହାସହ ଉଭୟ ଲୋକସଭା ଏବଂ ରାଜ୍ୟସଭା ଦ୍ୱାରା ପାରିତ ହୋଇଥିବା ମହିଳା ସଂରକ୍ଷଣ ବିଲ୍ କୁ ଚିହ୍ନିତ କରିବା ମଧ୍ୟ ଏକ କାରଣ ଅଟେ ।
ଚଳିତବର୍ଷ ରାମଲିଳାରେ ଅତ୍ୟାଧୁନିକ ଜ୍ଞାନକୌଶଳ ଅନ୍ତର୍ଭୂକ୍ତ କରାଯାଇଛି । ଚଳିତବର୍ଷ ଅନେକ ଚଳଚ୍ଚିତ୍ର ଏବଂ ଟେଲିଭିଜନ ତାରକା ମଧ୍ୟ ଲବ କୁଶ ରାମଲିଲା କାର୍ଯ୍ୟକ୍ରମରେ ଅଂଶଗ୍ରହଣ କରିଛନ୍ତି ।
Comments are closed.