ମୁମ୍ବାଇ: ସଲମାନ ଖାଁଙ୍କ ସୁରକ୍ଷା ସମ୍ପର୍କୀତ ବୟାନ ନେଇ ବଲିଉଡ କୁଇନ ଭାବେ ପରିଚିତ କଙ୍ଗନା ରାନାୱତ କଟାକ୍ଷ କରିଛନ୍ତି । ସେ କହିଛନ୍ତି ସଲମାନଙ୍କୁ ପ୍ରଧାନମନ୍ତ୍ରୀ ନରେନ୍ଦ୍ର ମୋଦି ଓ ଗୃହମନ୍ତ୍ରୀ ଅମିତ ଶାହଙ୍କ ନିକଟରୁ ସୁରକ୍ଷା ମିଳୁଛି । ଦେଶ ସୁରକ୍ଷିତଙ୍କ ହାତରେ ରହିଛି । ଆପଣ ସୁରକ୍ଷା ନେଇ ଚିନ୍ତା କରନ୍ତୁ ନାହିଁ । ସଲମାନ ୟୁଏଇରେ ଏକ ସାକ୍ଷାତକାରରେ କହିଥିଲେ ଏଠାରେ ସମସ୍ତେ ବିପଦମୁକ୍ତ ଅଛନ୍ତି । ଭାରତରେ ଅବଶ୍ୟ ଏ ନେଇ ଅସୁବିଧା ରହୁଛି । ଆମ ପରି ଅଭିନେତାମାନଙ୍କୁ ସରକାରଙ୍କ ପକ୍ଷରୁ ପର୍ଯ୍ୟାପ୍ତ ସୁରକ୍ଷା ଯୋଗାଇ ଦିଆଯାଉଛି । ରବିବାର କଙ୍ଗନା ଗଙ୍ଗା ଆଳିତରେ ଅଂଶଗ୍ରହଣ କରିଥିଲେ ।
ଏହା ପରେ ସେ କେଦାରନାଇ ଯାତ୍ରାରେ ବାହାରିଥିଲେ । ହତ୍ୟା ଧମକ ନେଇ ସଲମାନ କହିଥିଲେ, ମୁଁ ଭଗବାନଙ୍କ ଉପରେ ସମ୍ପୂର୍ଣ୍ଣ ବିଶ୍ୱାସ କରେ । ତାମାନେ ନୁହେଁ ଯେ, ବିନା ସୁରକ୍ଷାରେ ବାହାରେ ବୁଲିବି । ଏବେ ମୁଁ କଡା ସୁରକ୍ଷାରେ ଯାଉଛି । ଅବଶ୍ୟ ମୋ ଯୋଗୁ ସାଧାରଣ ଜନତା ଅନେକ ଥର ଟ୍ରାଫିକ ସମସ୍ୟାରେ ପଡୁଛନ୍ତି ବୋଲି ସେ କହିଛନ୍ତି । ସୂଚନାଯୋଗ୍ୟ, କୃଷ୍ଣସାର ମୃଗ ଘଟଣା ନେଇ ଲରେନ୍ସ ବିଶ୍ନୋଇ ଗ୍ୟାଙ୍ଗ ପକ୍ଷରୁ ସଲମାନଙ୍କୁ ହତ୍ୟା ଧମକ ଦିଆଯାଇଛି ।
Comments are closed.