ମୁମ୍ବାଇ: ୨୦୨୨ରେ ରିଲିଜ ହୋଇଥିବା କନ୍ନଡ଼ ଫିଲ୍ମ ଷ୍ଟାର ତଥା ନିର୍ମାତା ରିଷଭ ସେଟ୍ଟିଙ୍କ ମାଇଥୋଲୋଜି ଉପରେ ଆଧାରିତ ଫିଲ୍ମ ‘କାନ୍ତାରା’କୁ ପ୍ରଥମ ଦିନରୁ ହିଁ ବହୁ ପ୍ରଶଂସା ମିଳିଥିଲା । ବ୍ଲକବଷ୍ଟରରେ ଭଲ ଆୟ ମଧ୍ୟ କରିଥିଲା ଏହି ଫିଲ୍ମ l ତେବେ ସେହି ମାଇଥୋଲୋଜିକାଲ କାହାଣୀକୁ ଆହୁରି ଅଧିକ ଏକ୍ସପ୍ଲୋର କରିବାପାଇଁ ଆସିବାକୁ ଯାଉଛି କାନ୍ତାରା-୨ l ଏହାରିଭିତରେ ଫିଲ୍ମ ନିର୍ମାତା ଫିଲ୍ମର ରିଲିଜ ଡେଟ ଘୋଷଣା କରିଥିଲେ । ଆଉ ଡେଟ ଘୋଷଣା ହେବାର କିଛି ଘଣ୍ଟା ପରେ ଏବେ ଏହାର ଏକ ଦମଦାର ଟିଜର ରିଲିଜ ହୋଇଛି l ୨୦୨୫ ଅକ୍ଟୋବର ୨ରେ ରିଲିଜ ହେବ କାନ୍ତାରା-୨ l
ରିଷଭ ସେଟ୍ଟିଙ୍କ ‘କାନ୍ତାରା ଦ ଲିଜେଣ୍ଡ: ପାର୍ଟ ୧’ର କାହାଣୀ କାନ୍ତାରାର ମୂଳ ଷ୍ଟୋରୀ ଉପରେ ଆଧାରିତ l ପ୍ରଥମ ଭାଗରେ ରିଷଭଙ୍କ ମୁଖ୍ୟ ଚରିତ୍ର ଶିବା ଜଙ୍ଗଲର ଦେବତା ପଞ୍ଜୁରଲି ଏବଂ ଗୁଲିଗାଙ୍କ କାହାଣୀ ଦେଖାଇବାର ମାଧ୍ୟମ ପାଲଟିଥିଲେ । ଏବେ ପାର୍ଟ ୧ରେ ସେ ଜଙ୍ଗଲର ଦେବତାମାନଙ୍କ କାହାଣୀକୁ ବଡ଼ ପରଦାକୁ ଆଣୁଛନ୍ତି । ୮୨ ସେକେଣ୍ଡର ଏହି ଟିଜରର ଆରମ୍ଭ ‘ସେ ସମୟ ଏବେ ଆସିଯାଇଛି’ ରୁ ହୋଇଛି l ଏହାପରେ ଅନ୍ଧାରେ କିଛି ଜଳିବାର ଦେଖିବାର ମିଳିଛି l
ଏହାପରେ ବ୍ୟାକଗ୍ରାଉଣ୍ଡରେ ଝାପ୍ସା ଭାବେ ଶିବ(ରିଷଭ)ଙ୍କୁ ମଶାଲ ଧରି ଜଙ୍ଗଲରେ ଯାଉଥିବାର ଦେଖିବାକୁ ମିଳିଛି l ଏହାପରେ ଚାରିଆଡେ ନିଆଁ ଲାଗିଯାଉଛି l ଆଉ ତା ଭିତରେ ଏକ ଶବ୍ଦ ଶୁଣିବାକୁ ମିଳୁଛି l ଯେଉଁଥିରେ କୁହାଯାଇଛି ‘ପ୍ରକାଶ! ପ୍ରକାଶରେ ସବୁ କିଛି ଦେଖିବାକୁ ମିଳେ! କିନ୍ତୁ ଏହା ପ୍ରକାଶ ନୁହେଁ! ଏହା ଏକ ଦର୍ଶନ! ଏକ ଏପରି ଦୃଷ୍ଟି ଯାହା ଆମକୁ ଗତକାଲି କ’ଣ ଥିଲା, କ’ଣ ଅଛି ଏବଂ କ’ଣ ହେବ ଦେଖାଉଛି ! କଣ ତୁମେ ଦେଖି ପାରୁନାହଁ ?’ l ସେହି ଅନ୍ଧାର ମଧ୍ୟରେ ଶିବଙ୍କ ଚେହେରା ମଧ୍ୟ ଦେଖିବାକୁ ମିଳିଛି l ତେବେ ରିଲିଜ ହୋଇଥିବା ଏହି ଟିଜରରୁ ଏହା ସ୍ପଷ୍ଟ ହୋଇଛି ଯେ ଏହାର କାହାଣୀ କଦମ୍ବ ରାଜବଂଶର ଶାସନକାଳ ସମୟର l