ମୁମ୍ବାଇ: ବଲିଉଡର ପ୍ରତିଷ୍ଠିତ ଫିଲ୍ମମେକର କରନ ଜୋହର ୩ଜଣ ନୂଆ ମୁହଁଙ୍କୁ ନେଇ କରିବେ ବେଧଡକ ଫିଲ୍ମ । ଏ ନେଇ ସେ ଇନଷ୍ଟାଗ୍ରାମରେ ପ୍ରଶଂସକଙ୍କୁ ଜଣାଇବା ସହ ଏହାର ପୋଷ୍ଟର ମଧ୍ୟ ଜାରୀ କରିଛନ୍ତି । ଫିଲ୍ମର ନିର୍ଦ୍ଦେଶନା ଦେବେ ଶଶାଙ୍କ ଖୈତାନ । ୩ ନୂଆ ମୁହଁ ହେଲେ ଶାନାୟା କାପୁର, ଲକ୍ଷ୍ୟ ଲାଲୱାନି ଓ ଗୁରଫତେହ ପୀରଜାଦା ।
ସଞ୍ଜୟ କାପୁର ଓ ମହୀପ କାପୁରଙ୍କ ଝିଅ ଶାନାୟାଙ୍କ ଫିଲ୍ମ ପଦାର୍ପଣ ନେଇ ଆଲୋଚନା ଜୋର ଧରିଥିଲା । କରନ ନିଜସ୍ୱ ଶୈଳୀରେ ଫିଲ୍ମରେ ଏହି ୩ଜଣଙ୍କ ଭୂମିକା କଣ ରହିବ ତାହା ସୂଚନା ଦେଇଥିଲେ । ଖୁବ ଶୀଘ୍ର ଅନ୍ୟ ଷ୍ଟାର କାଷ୍ଟଙ୍କ ଘୋଷଣା ପରେ ଫିଲ୍ମ ଫ୍ଲୋରକୁ ଯିବ ବୋଲି ଧର୍ମା ପ୍ରଡକ୍ସନ ପକ୍ଷରୁ କୁହାଯାଇଛି ।
Comments are closed.