କର୍ଣ୍ଣାଟକ ସଙ୍କଟ: ସନ୍ଧ୍ୟା ୬ ସୁଦ୍ଧା ଆସ୍ଥା ଭୋଟ ସମାପ୍ତ କରିବାକୁ ନିର୍ଦ୍ଦେଶ ଦେଲେ ରାଜ୍ୟପାଳ
ବେଙ୍ଗାଲୁରୁ: କର୍ଣ୍ଣାଟକ ବିଧାନଭାରେ ଅଚଳାବସ୍ଥା ଜାରି ରହିଛି । ଆଜି ଦିନ ୧ଟା ୩୦ ସୁଦ୍ଧା ରାଜ୍ୟପାଳ ଯେଉଁ ନିର୍ଦ୍ଦେଶ ଦେଇଥିଲେ ଗୃହର ବାଚସ୍ପତିଙ୍କୁ ତାହା କାର୍ଯ୍ୟକାରୀ ହୋଇପାରିଲା ନାହିଁ । ତେଣୁ ରାଜ୍ୟପାଳ ଏସମ୍ପର୍କୀତ ବିଧାନସଭାରେ ଏକ ନୂଆ ନିର୍ଦ୍ଦେଶାନାମା ଜାରି କରିଛନ୍ତି । ଏହି ନିର୍ଦ୍ଦେଶାନାମାରେ ଉଲ୍ଲେଖ କରାଯାଇଛି ଯେ, ଶୁକ୍ରବାର ସନ୍ଧ୍ୟା ୬ଟା ସୁଦ୍ଧା ଯେପରି ବିଧାନସଭାରେ ଆସ୍ଥା ଭୋଟ ଶେଷ ହୁଏ । ସେହିପରି ଉଚିତ୍ ପଦକ୍ଷେପ ନେବା ନେଇ ବାଚସ୍ପତିଙ୍କୁ ନିର୍ଦ୍ଦେଶ ଦେଇଛନ୍ତି ରାଜ୍ୟପାଳ ।
ସବୁଠାରୁ ବଡ଼କଥା ହେଲା ଆଜି ବିଧାନସଭାରେ ଆସ୍ଥାଭୋଟ୍ ଲାଗି ଆଲୋଚନା ଚାଲିଥିବା ବେଳେ କଂଗ୍ରେସର ବରିଷ୍ଠ ନେତା ସିଦ୍ଧରାମାୟା କହିଛନ୍ତି, ଆଲୋଚନା ସମାପ୍ତ ନ’ହେବା ଯାଏଁ ଭୋଟଗ୍ରହଣ ହେବନାହିଁ ।
CM HD Kumaraswamy: I have respect for the Governor. But the second love letter from the Governor has hurt me. He only came to know about horse trading 10 days ago?(Shows photos of BS Yeddyurappa’s PA Santosh, reportedly boarding a plane with independent MLA H Nagesh) pic.twitter.com/VIcA4TUmeI
— ANI (@ANI) July 19, 2019
ସେପଟେ କର୍ଣ୍ଣାଟକ ମୁଖ୍ୟମନ୍ତ୍ରୀ ଏଚ ଡ଼ି କୁମାରସ୍ୱାମୀ କହିଛନ୍ତି, ରାଜ୍ୟପାଳ ଗୃହ କାର୍ଯ୍ୟରେ ହସ୍ତକ୍ଷେପ କରୁଥିବା ଠିକ୍ ହୋଇନାହିଁ । ଏହା ଗଣତନ୍ତ୍ରକୁ ହତ୍ୟା ସ୍ୱରୂପ ବୋଲି ସେ କହିଛନ୍ତି ।
ସେହିପରି ବିଜେପି ରାଜ୍ୟ ମୁଖିଆ ବିଏସ୍ ୟେଡ଼ିୟୁରାପ୍ପା ଜେଡ଼ିଏସ୍ ବିଧାୟକ ଶ୍ରୀନିବାସ ଗୌଡ଼ାଙ୍କ ବିରୋଧରେ ସ୍ୱାଧୀକାର ଭଙ୍ଗ ନୋଟିସ ଆଗତ କରିବା ପରେ ଗୃହ ସରଗରମ ହୋଇପଡ଼ିଛି ।
ଗତ ଏକମାସ ଧରି କର୍ଣ୍ଣାଟକ ରାଜନୈତିକ ପରିସ୍ଥିତି ସଙ୍କଟଜନକ ଅବସ୍ଥାରେ ଗତି କରୁଥିବା ଲକ୍ଷ୍ୟ କରାଯାଉଛି । ବିଧାନସଭାର ୧୫ ଜଣ ଅସନ୍ତୁଷ୍ଟ ବିଧାୟକ ଇସ୍ତଫା ପ୍ରଦାନ କରିଥିଲେ ମଧ୍ୟ ବାଚସ୍ପତି ସେମାନଙ୍କର ଇସ୍ତଫା ଗ୍ରହଣ ନ’କରିବାରୁ ବାଧ୍ୟ ହୋଇ ସେମାନେ ସୁପ୍ରିମକୋର୍ଟଙ୍କ ଦ୍ୱାରସ୍ଥ ହୋଇଥିଲେ । ବାଚସ୍ପତି ସମସ୍ତ ନିଷ୍ପତ୍ତି ଗ୍ରହଣ କରିପାରିବେ ବୋଲି ସୁପ୍ରିମକୋର୍ଟ ତାଙ୍କ ଶୁଣାଣିରେ କହିଥିଲେ ।