ମୁମ୍ବାଇ: ଶିରିଡ଼ିରେ ଅଭିନେତ୍ରୀ କ୍ୟାଟ୍ରିନା କୈଫ l ଗତକାଲି ଶାଶୁଙ୍କ ସହ ଶିରିଡ଼ି ଯାଇ ସାଇ ବାବାଙ୍କ ଦର୍ଶନ କରିଛନ୍ତି ଅଭିନେତ୍ରୀ l ବାବାଙ୍କ ଦର୍ଶନ ପରେ ସାଇ ବାବା ସଂସ୍ଥାନର ପ୍ରଶାସନିକ ଅଧିକାରୀ ପ୍ରଜ୍ଞା ମହାନ୍ଦୁଲେ-ସିନାରେଙ୍କୁ ଭେଟିଥିଲେ ଅଭିନେତ୍ରୀ l ସାଇବାବାଙ୍କୁ କ୍ୟାଟ୍ରିନା ଦର୍ଶନ କରୁଥିବାର ଏକ ଭିଡିଓ ଏବେ ଭାଇରଲ ହେବାରେ ଲାଗିଛି l ଭିଡିଓରେ କ୍ୟାଟ୍ରିନା ହାତ ଯୋଡି ବାବାଙ୍କୁ ଦର୍ଶନ କରୁଥିବା ନଜର ଆସିଛନ୍ତି। ପ୍ରଶାସନିକ ଅଧିକାରୀଙ୍କ ସହିତ ମନ୍ଦିରର ମୁଖ୍ୟ ବିଷ୍ଣୁ ଥୋରାତଙ୍କ ସହ ମଧ୍ୟ ଭେଟିଥିଲେ କ୍ୟାଟ୍ରିନା ଏବଂ ତାଙ୍କ ଶାଶୁ l ଭିଡିଓରେ କ୍ୟାଟ୍ରିନା ଏକ ଧଳା ରଙ୍ଗର ସୁଟ ପିନ୍ଧିଥିବା ବେଳେ ତାଙ୍କ ଶାଶୁ ବାଇଗଣୀ ରଙ୍ଗର ସୁଟ ପିନ୍ଧିଥିବା ନଜର ଆସିଛନ୍ତି l
ଅଧିକାଂଶ ସମୟ କ୍ୟାଟ୍ରିନା ମନ୍ଦିର ପରିଦର୍ଶନ କରନ୍ତି। ନିକଟରେ ଅଭିନେତ୍ରୀ ଜଣଙ୍କ ସ୍ୱାମୀ ବିକି କୌଶଲ ଏବଂ ଶାଶୁ ବିନା କୌଶଲଙ୍କ ସହ ମୁମ୍ବାଇର ସିଦ୍ଧ ବିନାୟକ ମନ୍ଦିରକୁ ଦର୍ଶନ ନିମନ୍ତେ ଯାଇଥିଲେ l ଚଳଚ୍ଚିତ୍ର ଇଣ୍ଡଷ୍ଟ୍ରିର ଏହି ଗ୍ଲାମରସ୍ ଅଭିନେତ୍ରୀ କେବଳ ପୂଜାପାଠ, ଉପବାସରେ ବହୁତ ବିଶ୍ୱାସ ରଖନ୍ତି l ଏପରିକି ସ୍ୱାମୀ ବିକି କୌଶଲଙ୍କ ପାଇଁ ସେ ନିକଟରେ କରବା ଚୋୖଥ ଉପବାସ ରଖିଥିଲେ l ଯାହାର ଫଟୋ ଏବଂ ଭିଡିଓ ସୋସିଆଲ ମିଡିଆରେ ସେୟାର କରିଥିଲେ। ଫଟୋରେ, କ୍ୟାଟ୍ରିନା ପୁରା ପରିବାର ସହିତ ସୁନ୍ଦର ମୁହୂର୍ତ୍ତ ବିତାଉଥିବାର ନଜର ଆସିଥିଲେ l
କ୍ୟାଟ୍ରିନାଙ୍କ ୱାର୍କଫ୍ରଣ୍ଟକୁ ଦେଖିବାକୁ ଗଲେ ଶେଷଥର ପାଇଁ ଅଭିନେତ୍ରୀ ଜଣଙ୍କ ଶ୍ରୀରାମ ରାଘବନଙ୍କ ଫିଲ୍ମ ‘ମେରୀ ଖ୍ରୀଷ୍ଟମାସ’ରେ ବିଜୟ ସେତୁପତିଙ୍କ ସହ ନଜର ଆସିଥିଲେ। ଆଗକୁ ଅଭିନେତ୍ରୀ ଫରହାନ୍ ଅଖତରଙ୍କ ଫିଲ୍ମ ‘ଜି ଲେ ଜାରା’ରେ ନଜର ଆସିବେ। ଏହି ଚଳଚ୍ଚିତ୍ରରେ ପ୍ରିୟଙ୍କା ଚୋପ୍ରା ଏବଂ ଆଲିଆ ଭଟ୍ଟ ମଧ୍ୟ ମୁଖ୍ୟ ଭୂମିକାରେ ନଜର ଆସିବେ।